زبانحال حضرت سیدالشهدا(ع)
در بالین حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم حاج رضا صراف تبریزی
.
دور ای محنت انیسی غم رفیقی
اخی، یا نور عینی، یا شقیقی
.
.
ئولم عباس آدی دوشمز دیلمیدن
ویریلدیق سن باشیندان، من بئلیمدن
الون یوخدور دئیم گل دوت الیمدن
اخی، یا نور عینی، یا شقیقی
.
.
گؤزیم نوری قیزیل قانه باتوبسان
گئدوب سرمنزل عشقه چاتوبسان
سسون گلمز ئولوبسن، یا یاتوبسان
اخی، یا نور عینی، یا شقیقی
.
.
سنی ئولدوردی قارداش اهل كینه
پوزولدی رونق ملک مدینه
دوتوب جام الده یول گؤزلر سکینه
اخی، یا نور عینی، یا شقیقی
.
.
عجب ویردون رضا امر قضایه
دوشوب قدّون یر اوزره مثل سایه
اؤزون گئتدون منی سالدون بلایه
اخی، یا نور عینی، یا شقیقی
.
.
سن ئولدون لشکر کافر الینده
منی قویدون بو دشمنلر الینده
دوتوب شمر لعین خنجر الینده
اخی، یا نور عینی، یا شقیقی
.
.
خلاص اولدون اؤزون هر درد وغمدن
منی ائتدون خجل اهل حرمدن
علم یاتدی، بئلیم سیندی المدن
اخی، یا نور عینی، یا شقیقی
.
.
بو چولده گون بگون آرتیب ملالیم
داغیلدی لشگریم گئتدی جلالیم
اسیر شمر اولور سنسیز عیالیم
اخی، یا نور عینی، یا شقیقی
.
.
سن ئولدون، کوفیان بی مروت
یاتار آسوده، ایلر استراحت
ولیکن زینبی قویمازلا راحت
اخی، یا نور عینی، یا شقیقی
.
.
(1) شقیق : ( اسم عربی قدیمی) ، برادر ( فرهنگ عمید )
.
#عباسیه_صراف_تبریزی
#عباسیه_شهادت
#دور_ای_محنت_انیسی_غم_رفیقی
#ترکی
.
✍️ #زبدةالاشعار ✍️
.
🆔: @nohe_torki
نظر دهید