یا مهدی
…
حیران خانیم
…
چاره يوخ درديمه اول لعل دوتادان غيری،
کيمسه توتماز اليمی زلفِ رسادان غيری
يوخدو بير يار ائده حالیمی دلداریما عرض،
سر کويوندا مگر باد صبادان غيری
بختيميز ششدر حيرتده ايدی، چون کی بيزه،
گؤرمه دی يار روا جؤؤر و جفادان غيری
گرچی ديلدار منه ايله دی چوخ ظلم و ستم،
من اونا ايلمرم مهر و وفادان غيری
ايسترم دلبريمين خدمتينه عزم قیلام،
تحفه ميز يوخ داهی بير خير دعادان غيری
اولمادی بونجا گرفتار غم و درد و الم،
سرِ کويوندا منِ بختی قارادان غيری
دشمنين طعنه سی، هجران اودو، غربت المی،
يوخدو غمخوار بيزه کيمسه خُدادان غيری
گر قضا سالدی سنی ياردان آيری #حيران
داها تقديره نه دير چاره، رضادان غيری؟
#مهدیه
#چاره_يوخ_درديمه_اول_لعل_دوتادان_غيری
#حیران_خانیم
#ترکی
نظر دهید