شهادت حضرت امام حسن (ع)
..
..
..
..
ظهیر تبریزی
..
..
..
..
پایه دین اولدى محکم صلح پر بار حسندن
بیر اثردور هاردا اولسا صلح ، آثار حسندن
..
..
..
..
کیم بولور واردور نه عالم ، مجتبی برنامه سینده
کیم بولور آیا نه حکمت وار مشیّت خامه سینده
صلح یازموشدی اونا کلک قضا ، ئوز نامه سینده
با خبر هیهات اولا بیگانه اسرار حسندن
..
..
..
..
زنده صلحیله ایدوب اسلام و قرآنی او گونده
صبرینه حیران قویوب دور کون و امکانی او گونده
دوزدی هر ظلمه چکوب هر جور اعدانی او گونده
انبیا مبهوت اولوبدور صبر و رفتار حسندن
..
..
..
..
فکری ایجاب ایلدی ترویج قرآنی نظرده
گوردی گر صلح اولماسا واردور خطر بو رهگذرده
صلح ایدوب احیای دین اوسته قویوب نفسین خطرده
قدسیان تقدیس ایدوبلر قدس و ایثار حسندن
..
..
..
..
گوردی تبلیغات سوء آل بوسفیان مرتد
ایلیوب افکار خلق اللهی مسموم و مقیّد
آز قالور پامال اولا نام علی نام محمد
بیر اساسی چاره مستلزمدی افکار حسندن
..
..
..
..
گوردی اقدام ائتسه جنگه با وفا لشکر تاپولماز
بی وفا اصحابی وار اسلامه بیر یاور تاپولماز
غیر صلح ، احیای اسلامه رَهِ دیگر تاپولماز
دین اولا پاینده تا ، بو طرز پیکار حسندن
..
..
..
..
گرچه چوخ چوخ سختیدی بو صلح ، امام مجتبایه
لیک ترویج شریعت اوسته راضیدی قضایه
بیر زمینه اولسون آماده غریب کربلایه
تا حسین آلسون نتیجه صلح پر بار حسندن
..
..
..
..
حجّت الله دور پیمبر اوغلی صاحب منزلتدور
مجتبی صلحی حسینون نهضتیله هم جهتدور
لال اولا هر کیم دیسه صلح حسن بی مصلحتدور
صلح او گون دستوریدی خلّاق دادار حسندن
..
..
..
..
بیر شرایطله او گونده صلحه بیر پیمان یازیلدی
پیکر بی روح اسلامه روان و جان یازیلدی
مرتضانون احتراماتی اولوب عنوان یازیلدی
صلح ئوزی حیران اولوب بو شیوۀ کار حسندن
..
..
..
..
بیر تفکر ایشلدوب شرحی اونون گلمز بیانه
باغلانوبدور هر طرفدن دشمنه راه بهانه
مرتضا آدی گلردی احترامیله زبانه
شیعه لر آسوده اولدی بیله کردار حسندن
..
..
..
..
بو سیاستده عدونین نقشینی بر آب ایدوبدی
بیر ئوزی بیرده خدا بولدى نه صبر و تاب، ایدوبدی
گرچه چوخ طعن و شماتت بیوفا اصحاب ایدوبدی
لیک راضیدی خدا بو باره ده کار حسندن
..
..
..
..
ایله مظلوم اولدی بو سلطان دین دونان الینده
لاله تک قلبی اولوب قان ، قوم بی ایمان الینده
نه چکوب بولمم او سرور فرقۀ نادان الینده
گیت ئوزون جویای حال اول خاطر زار حسندن
..
..
..
..
بیر نفر مونس تاپانمازدی ایده اظهار دردین
گویلره دائم اوجالداردی اورکدن آه سردین
دیدۂ اغیارده گورسیدی گر سیمای زردین
قلبینون دردین بولردی رنگ رُخسار حسندن
.
.
ایستدی اعدا پیمبر قلبینی قان ایلسونلر
پایۀ معمورۀ اسلامی ویران ایلسونلر
تا شکست صلحی بیر نحویله جبران ایلسونلر
بو شکستی بولدولر ، افکار بیدار حسندن
..
..
..
..
چکدیلر بیر نقشه قتل مجتبایه اهل بدعت
اولمادی امّا بو امر اجراسینه بیر کسده جرأت
جعده منظور اولدی اقدام ایلسون بو امره نسبت
آشناسین گوردولر بی مهر اغیار حسندن
..
..
..
..
اولمادی آگاه امامون دلدہ کی درد و غمیندن
نه جفا گورموشدی آیا ئوز وفالی محرمیندن
ایلدی مسموم امامی گچدی الفت عالمیندن
ائتمدی شرم و حیا اجداد اطهار حسندن
..
..
..
..
صرصر ظلمیله زهرا گلشنی سولدی سارالدی
بو جفا پیغمبرین صبر و قرارین دلدن آلدى
بولمورم اما او دمده زینبی نه حاله قالدى
گوردی آثار خزانی رنگ گلنار حسندن
..
..
..
..
آسمان حُسنده بیر ماهیدی دوشدی محاقه
بو ستم آل علی آهین اوجاتدی نه رَواقه
تا گونی دوشدی حسینون پارچالانموش دل دوداقه
قان آخور گوردی لب لعل گهربار حسندن
..
..
..
..
ایله بیر حاله قالوبدور اول گل باغ رسالت
وجه وجه الله ده گوردی عیاندور حال رحلت
آز قالور دوشسون کسوفه نیّر برج امامت
اولسون آل مصطفا محروم ، دیدار حسندن
..
..
..
..
ئوز وفاتینده امامون روضۀ پاک رضاده
بو شَهَه یازموشدی «فرشی» بیر نچه اشعار ساده
امر اولوب تکمیلینه اما «ظهیر» ائتسون اراده
شکر اولا تکمیل ایدوب الطاف سرشار حسندن
..
..
..
..
#حسنیه #ظهیر_تبریزی
#حسنیه_شهادت
#پایه_دین_اولدى_محکم_صلح_پر_بار_حسندن
#ترکی
#زبدةالاشعار
نظر دهید