#غزل
.
.
#صائب_تبریزی
.
.
اولمادی خورشیددن داغلاردا رنگین قاشلار
گوردیلر لعل لبین قان ترلدیلر داشلار
.
قیلدی پیدا حکم تقویم کهن گول دفتری
آچدیلار تا چهره ی دلداریمی نقاشلار
.
قیلمادیلار سینه ی افگاریمی آماجگاه
اسگیک آتدیلار بیزیملن او مقوس قاشلار
.
عاشق صادق بیلیر سنگ ملامت قدرینی
مخزن سلطانه لایقدیر بو یارار داشلار
.
گون دوننده ائل دئدیم ترک ائتمسین یولداشلیغی
چون قارا اولدی گونوم یاد اولدیلار قارداشلار
.
یول اگر حقدیر چکر یولسوزدان آخر انتقام
یولا تاپشیر چیخدیلار یولدان اگر یولداشلار
.
اولدی مغلوب هوای نفس استیلای عقل
آلدیلار حاکم الیندن اختیار اوباشلار
.
چون کونول بی نور اولور مطلق عنان اولور هوس
قاش قارالاندا چیخارلار یووادان خفاشلار
.
مهربان اولماز نسیم صبحدم هرگز سنه
شمع تک تا توکمه سن صائب! گوزوندن یاشلار
.
.
.
زبدة الاشعار 
: @nohe_torki . حاج داود بیدق داری . ای مدینه کاروان آل پیغمبر گلور زینب بی اقربا، لیلای بی اکبر گلور . . سندن آیریلدی بولار اجلال بی پایانیله وعده گاه عشقه عازم اولدولار جانانیلهبیشتر
نظر دهید