حسینون کیم اولا خدمت گزاری #پندیات_رمضانی_خاکی

مقام نوکری
تجلیل از مقام حاج داود #بیدقداری (داور)
.
.
حاج روح اله رمضانی (خاکی)
.
.
حسینون کیم اولا خدمت گزاری
ایکی دنیاده آرتار اعتباری
.
غلام هرکیم اولا آل رسوله
چاتار عرش علایه باشی آری
.
گلر باش توتیادن کیمییادن
اونون نعلینینون گردو غباری
.
اگر مینلرجه پاییز گلسه سولماز
همیشه سبزو خرمدی بهاری
.
حسینون نوکری (داور) مثالی
اولار منصبده شاهلاردان یوخاری
.
اگرچه روزگاری باشه یتدی
نهالینده ولیکن واردی باری
.
حسین یاسینده تا روز قیامت
گزر دلده کلام پایداری
.
اونون فکر ایلمه سن خالی قالدی
شب اول مزارینده کناری
.
یقیناً گوردی اول وحشتلی یرده
جمال یاری چشم اشکباری
.
ایشیقلاندی قره تپراقین آلدا
حسینون گل جمالیندن مزاری
.
بلی ئولسه وفالی نوکر حتماً
مزارینه دوشر شاهین گذاری
.
وفانی (خاکی) سن (داوردن) اورگش
یتوب باشه حسینیله قراری
.
حسینون آستانینده اوجالدی
چون عزتله کچوب لیل و نهاری
.
بویولدا سعی ائله ثابت قدم اول
آماندی اولما هیئتدن فراری
.
.
#پندیات_رمضانی_خاکی #بیدقداری #ترکی #زبدةالاشعار