ای کعبیه استاد ائیلین کرب و بلانی #حسینیه_شاهی_اردبیلی

در معارف مولی و مناظر قتلگاه
و التفات به نوائب راه شام و مصائب ویرانه
.
.
شاهی اردبیلی
.
.
ای کعبیه استاد ائیلین کرب و بلانی
سن تک یر اوزینده کیم اولوب واحده ثانی
.
.
ای گوزلره گورسنمیه نون آینه داری
والنّجمده رُتبون اولونوب پایه گذاری
تدبیر ائله دیم فی الشّجر الاخضر ناری
عشقون دئدی من سالدیم آغاجدا او شراری
آری سنه منسوبدی اسرار نهانی
.
.
گویندۀ اوصاف تو عمّا یصفون است
یعنی شرف و شان تو از وصف برونست
این گنبد نُه لایه که از فهم فزونست
در چنبرۀ عشق تو یک حلقۀ نونست
حرفیست دو عالم ز کتابی که تو خوانی
.
.
بر عشق تو در دل ندهد راه هر آن کس
دریای علوم است اگر هست منجّس
با شوق تو می گریم و این اشک مقدس
در کام دلم هست به از میوۀ نورس
آری بود این ذائقه جانی نه دهانی
.
.
یا مرقدوه بنده نی مهمان ائله بیر آن
یا تیغیله سوک سینه می اول قلبیمه مهمان
یا قسمت ائله خاک دروندن اؤپوم ای جان
یا امر ائله دولسون گوزومه خاک بیابان
سن سیز بو گوزه اوخ گورورم نور و ضیانی
.
.
کیم مست می میکدۀ کرب و بلادی
یدّی گویی بیر کاسه میه ساتسا روادی
هر شخصی خمار ائتسه حسینین گوزل آدی
بیر چیگنی اونون مروه دی بیر چیگنی صفادی
دور ائتسون اونی دور ائلدون عرش علانی
.
.
ای سجدۀ آخرده قُم اللّیلی ائدن مات
ای کولگه سینه بوسه ووران روح مناجات
ای پنج پیمبر ائدن اسمیله مباهات
شش سمتدن الآن بورویوب عالمی ظلمات
مسموم ائلیوب لر نفس باد صبانی
.
.
وجدانی فدای سگ آمال ائلیوب لر
انصافی مطیع خر دجّال ائلیوب لر
اندیشه و ادراکی لجن مال ائلیوب لر
علم و هنر و فلسفه نی لال ائلیوب لر
دردیله تیکوبلر لب برهان شفانی
.
.
نخلین اوجالور عطری ولیکن اره لردن
حقّین سسی گاهی گلور اما دره لردن
چوخداندی ایشیق قهر ائلیوب پنجره لردن
منظورینه شیطان یتیشور منظره لردن
ویران ائلیور ابرهه لر کعبۀ جانی
.
.
اونلار که خُرافاتی اوخولار خَر آفات
مرکوب مراده مینوب ایلورله مباهات
دوشمیش ایاقا اهل کمالات و کرامات
فهمین ایشی افسوسدی فضلین ایشی هیهات
محتاجدی خاکستره مرآت معانی
.
.
بیر گون یره انسه ملک الموت گرامی
گورسه بیزی هم وصف ائدوروک راه امامی
هم میل ایلیوک میوه کیمی مال حرامی
باشماق سیز ایاقنان قاچار اول حضرت نامی
اغماض ائده بیلمز بو قدر ریب و ریانی
.
.
«شاهی» تانورام نفسوی سلطان خطادور
سینماق بولوادار خطیئاته سزادور
هر بی سرو پایه علم آچماق نه روادور
هر چند امیران علم بی سر و پادور
هر چند گدالر ائلیوب قبضه جهانی
.
.
سن نفسوی تسخیر ائله، نه روی زمینی
تا زیر لحددن تاپاسان عرش برینی
سال یادیوه اول مالک و مولی و معینی
یاددان چیخادیب خیمه و اطفال حزینی
ارشاد ائلیور امّت بی شرم و حیانی
.
.
ای پیرهن طاعت و تقوانی گیین لر
هر سوز باشی اون مرتبه تکبیر دیین لر
کیمدور بو گون اموال عمومینی یین لر
دیندن دانیشوب مذهبی مظلوم ائلیین لر
کیملردی یاخیب اللّرینه خون خدانی
.
.
ناگه بیر اوخا اولدی نشان قلب شهنشاه
اوخ بوسه ووران یرده ظهور ایلدی الله
الله کیمین اولدی حسین ذوالمن و ذیجاه
آتدان یخیلان لحظه چکیب زینبی بیر آه
دیندیردی او آهیله شه تشنه لبانی
.
.
سسلندی حسین سینه می اوخ گور نئجه یاردی
قلبیمدن اوغول صحبتینی گوتدی آپاردی
ایندی بو یاریلمیش اورگین مالکی یاردی
کیم دی که حسینین حرمی خیمه سی واردی
وار حضرت جانانیدی باقی همه فانی
.
.
سالمیشدی صدا گویلره اول وجه الهی
گلدی او صدانی کسه بیر مست مناهی
گوردی کسه بیلمور سسی کسدی سر شاهی
آری سر احراری کسر فتنه سپاهی
خاموش ائده بیلمز ولی مصباح هدانی
.
.
کسدی او باشی خوار ائده تا نیزه ده اوباش
اوباشی ولی ایلدی رسوا او کسوک باش
عابدلر ائدیب قاشلارینا جانینی شاباش
عاشقلره آلنیندا هو الله گورونوب فاش
اثبات ائدیب اعدایه فلا تَنتَصِرانی
.
.
عرض ائتدی سما اهلی او خونین باشا هر آن
اجلالیوی گر بیلمدی یر اولما پریشان
بیر لحظه گویه باخسون اگر ای شه خوبان
سگّیز گوزینی دورد ملک ایلر سنه قربان
قربان سنه ملک و ملکین روح و روانی
.
.
آن نور که در صورت خونین شما هست
سوگند خدا را که همان نور خدا هست
فردوس که سر تا سر آن لطف و صفا هست
در پیش صفای تو کم از نقطۀ فا هست
آن یک که از او زنده شد اعداد تو آنی
.
.
«شاهی» بو معانیده سوزه وئرمه ادامه
قورخوم بودی لغزش دوشه اذهان عوامه
مصرع لروون میلینی دوندر ره شامه
خون جگری جوهر ائله کیپریگی خامه
یاز فصل مصیباتی آپار فیض بُکانی
.
.
شه نوک جداده ائلیور سیر الی الله
عریان دوه ده دختر دلبند شهنشاه
تا گویده اونون آلنین اؤپور داش بو چکور آه
یوخلور بونی تا قمچی یومور گوز او فلک جاه
آهسته دیور صبر ائله ای زینب ثانی
.
.
گویدن باخان الان سنه ارباب نظردی
سویلور کی بو قیز پاکتر از روح سحردی
باشدان ایاقا گلدی فقط اسمی بشر دی
زجرین الی سینسین گولی وورماقدا هنردی؟
انصافیدی سیلی پوزا ریحان جنانی
.
.
ای تل لری مرموزتر از رشتۀ تقدیر
ای شیشۀ گردون ائلین شکلینی تکثیر
آز باشوی قالخیز منه باخ ای گلِ تکبیر
قالخاندا باشون چون دولاشیر بوینوا زنجیر
بیتاب ائلیور هم سنی هم اهل ولانی
.
.
قرآنی غرض قصره روان ایلدی اشرار
عزم ائتدی مفسّرلری ویرانیه ناچار
قولّار آچیلوب قول بویون اولدی بالا قیزلار
یاس دوتدی ایاق اوسته او طفلان عزادار
تیترتدی حسین وای سسی ارکان سمانی
.
.
تنها دایانوب گوشه ده بیر عورت عظما
نه داغ اونا هم شانیدی هیبتده نه دریا
بیر بیله وقاریله اَسَر چون پر عنقا
رقتله ائدر آغلاشان اطفاله تماشا
آهسته ائدر زمزمه بو ورد و بیانی
.
.
ای طوطی لریم لحنوزه گفتاروزه قربان
صبحین نفسی عمروزه ایثاروزه قربان
گل لر سارالان رنگوزه رخساروزه قربان
ای قارداشیمون لشکری قولاروزه قربان
فرصتدی گلون اوخشیاق اول تشنه فدانی
.
.
چون صوت اذان یاردی گویی صوت حسین وای
شب نصفه یتیب باشلار آخیندی کسیلوب های
چون قامت زینب خم اولوب اگدی باشین آی
ویرانیه باخدی دئدی اول قیزلارا لای لای
یاتدی هامی بیر طفل قالیب بیر ده فغانی
.
.
قرآن کیمی قولّارین آچوب زینب مضطر
آلدی اونی آغوشینه چون سورۀ کوثر
بیر آه جگر سوز چکوب اوّل او دختر
اوندان دئدی عمّه اورگیم اکبری ایستر
دوران نیه دور ایلدی مندن او همانی
.
.
#قتلگاه #حسینیه_شهادت #حسینیه #کوفه #راه_شام #ورود_شام #شاهی_اردبیلی #ترکی #زبدةالاشعار