ای رقیه ای انیس غم سلام اولسون سنه #حضرت_رقیه_اعظمی_تبریزی

سلام بر حضرت زهرای سه ساله رقیه (س)
..
..
..
..
مرحوم اعظمی تبریزی
..
..
..
..
ای رقیه ای انیس غم سلام اولسون سنه
مدفنی شامه ووران پرچم سلام اولسون سنه
..
..
..
..
ای گیدن شامه قولی باغلی نئچه یولداشیلن
شامه دین یولاردا هم صحبت اولان داغ داشیلن
آغلیان هر روز و شب ای شامیده گوز یاشیلن
دین بناسین ایلین محکم سلام اولسون سنه
..
..
..
..
ای حسینون اوچ یاشندا نازلی بیر دردانه سی
جان عالم لردی شمع قبروین پروانه سی
سنده وار خلقین گوزی ای زینبون ریحانه سی
ای مزاری روضۀ ماتم سلام اولسون سنه
..
..
..
..
ای شه دینون سفیر خورده سالی شامیده
گون کیمی شهرت تاپان جاہ و جلالی شامیده
دردمندین قبرووه وار عرضحالی شامیده
خلقین ای اسرارینه محرم سلام اولسون سنه
..
..
..
..
ای وفا دانشگھینده درسینی تکمیل ایدن
دین یازان برنامه نی نشر ایتماقا تعجیل ایدن
شامیده هند اوغلونون کابینه سین تعطیل ایدن
ظلم اساسین ایلین برهم سلام اولسون سنه
..
..
..
..
ای جلال و جاهینی خالق اوجالدان دم به دم
نه جلالون وار بولر کیم روضه وه قویسا قدم
ای ووران قبری یزیدین قصرینه نقش عدم
مدفنی هر قصردن اقدم سلام اولسون سنه
..
..
..
..
ای باتان آی تک غمینده آغلادان اولدوزلاری
جان ویرن یالقیز دوزن اطرافینه یالقوزلاری
گل سپلّه قبریوه سسلَلَّه شامون قیزلاری
ای اولان بیر عمر اشکی یم سلام اولسون سنه
..
..
..
..
بسلنن نازیله ناز بالشه ناز ایلین
باش قویان تیره ترابه عشقین ابراز ایلین
روز و شب ویرانه ده معبودیلن راز ایلین
سینه ده آهین ایدن مبهم سلام اولسون سنه
..
..
..
..
سن او اولدوزسان که شامون مغربینده باتموسان
سن او شاهزاده سن ویران سراده یاتموسان
سن او آغلار گوزلوسن چوخ گوزلری آغلاتموسان
ای ئولونجه آهیله همدم سلام اولسون سنه
..
..
..
..
وار مگر عالمده بو عشق و وفا پروانه ده
شمع عشقه آشنا اولسون دل بیگانه ده
ای یانان دین حالینه هر روز و شب ویرانه ده
گل یوزه اشکین دوزن شبنم سلام اولسون سنه
..
..
..
..
یاتدی هند اوغلی مجلل قصرده مست و خمار
سن خرابه یرده باش قویدون ترابه اشکبار
ایتدی آهون آل سفیانون اساسین تارمار
ای چکن دین اوسته رنج وغم سلام اولسون سنه
..
..
..
..
اول یزیدی که جفاسی چوخ دله چکدیردی داغ
نه قالور آثاری نه قبرین ویرن واردور سراغ
وار سنون صحن و رواقون قبرون اوسته چلچراغ
بارگاهینده اسن پرچم سلام اولسون سنه
..
..
..
..
مدفنون ایلر حکایت حالووی زوّارووه
باد غم اسدوقجا رونق آرتوروب گلزارووه
جان عالم لر فدا اولسون گوزل آثارووه
شأنینه ای رشک ائدن عالم سلام اولسون سنه
..
..
..
..
ای یتن باب الحوائج لفظینون معناسینه
«اعظمی» مستغرق اولموش فکرتین دریاسینه
ایستوری سندن کمکلیق نطقنون گویاسینه
ای ویرن هر نطق لاله دم سلام اولسون سنه
..
..
..
..
#حضرت_رقیه #اعظمی_تبریزی #حضرت_رقیه_شهادت #ترکی #زبدةالاشعار