رمضان ماه فیض و رحمتی دی #رمضانیه_وداع_سیدمسعود_نقیب

در وداع ماه مبارک رمضان
.
.
سید محمد مسعود نقیب
.
.
رمضان ماه فیض و رحمتی دی
ماه عشق و صفا و نعمتی دی
.
رمضان ماه مهر و عهد و وفا
ماه ایثار و حلم و همتی دی
.
رمضان ماه رمز و راز و نیاز
ماه برهان و درک و عبرتی دی
.
رمضان ماه فرصت و توبه
ماه صدق و خلوص و غیرتی دی
.
رمضان ماه اهل عشق و یقین
ماه اجر و ثواب و نصرتی دی
.
.
حیف اولا تیز قوتولدی اولدی تمام
گوره سن راضی اولدی گیتدی صیام
.
.
بو گوزل ماه کبریایه سلام
بئله بیر ماه با وفایه سلام
.
اون بیر آیدان شرافتی برتر
بو بویوک ماه با صفایه سلام
.
لیلة القدر تا سحر وقتی
اوخویان ذکریله دعایه سلام
.
بو آییون مولودی امام حسن
اولین سبط مرتضایه سلام
.
بو آیون مهربان شهیدی علی
اول سخاوتلی پیشوایه سلام
.
.
حیف اولا تیز قوتولدی اولدی تمام
گوره سن راضی اولدی گیتدی صیام
.
.
بارالها بیزی هدایت ایله
لطفووی بیزلره عنایت ائله
.
گرچه اعمالیمیز آز اولدی بو آی
بو آز اعماله سن کفایت ائله
.
بار الها اروج لوق حرمتینه
رحمتون بیز لره نهایت ائله
.
بار الها کتاب و عترت دن
آیری سالما بیزی حمایت ائله
.
تا قیامت به حق ماه صیام
بیز لری حامی ولایت ائله
.
.
حیف اولا تیز قوتولدی اولدی تمام
گوره سن راضی اولدی گیتدی صیام
.
.
یاخچی وئردی بو آی بیزه رخصت
حیف اولا اولمادی ولی فرصت
.
آیریلیق چوخ چتین دی بو آیدان
بس که هر وقت و لحظه سی مثبت
.
با صفا گوندوزی گوزل گئجه سی
ایتدی اهل یقینه چوخ نصرت
.
هم رفیقِ شفیق اولدی بیزه
هم انیس و جلیس خوش صحبت
.
ایسته الله دان ای ” نقیب ” بو آی
وئره مومن لره گوز ل اجرت
.
.
حیف اولا تیز قوتولدی اولدی تمام
گوره سن راضی اولدی گیتدی صیام
.
.
#رمضانیه_وداع #سیدمسعود_نقیب #رمضانیه #ترکی #زبدةالاشعار