ایلدیم رسوا یزیدی شامده قارداش حسین #اربعین_کهنمویی

اربعین
..
..
..
..
مرحوم سید حسین کهنمویی
..
..
..
..
ایلدیم رسوا یزیدی شامده قارداش حسین
قویمادیم بدعت قویا اسلامده قارداش حسین
..
..
..
..
دین بیزه تعلیم ایدوب دینده گرکدور پیشوا
عامل قرآن اولا عادل اولا دیندار اولا
مال و جانین ایلیه الله رضاسینده فدا
خلقه تا سرمشق اولا ایّامده قارداش حسین
..
..
..
..
گر مسلمانلار قبول ایتسیدیلر قرآن سوزین
اجنبیلر خطّۀ اسلامه تیکمزدی گوزین
سرپرست مسلمین ایتمزدی هر ظالم اؤزین
خلقی اینجیتمزدی صبح و شامده قارداش حسین
..
..
..
..
ایلین اسلام آدیله اهل کفره افتخار
خلقین انظارینده ایلردی اؤزی اسلامی خوار
گه ایچردی مست اولاردی گاهی اویناردی قمار
ناسزا سویلردی بزم عامده قارداش حسین
..
..
..
..
بادۂ کبر و ریاستدن ایله مخموریدی
اولمیوب نادم امام ئولدورماقا مسروریدی
گوئیا اسلامه توهین ایتماقا مأموریدی
کفری ترویج ایتدی هر اقدامده قارداش حسین
..
..
..
..
اؤز اؤزون زوریله خلقه ایلین سلطان دین
سعی ایدردی باطل اعمالی تاپا عنوان دین
من دئیردی حاکمم محکومدور قرآن و دین
ویردی چوخ تغییرلر اسلامده قارداش حسین
..
..
..
..
ایلیوب اسلام و قرآن هر مسلمانی عزیز
لکن ایلردی یزید اسلامیله جنگ و ستیز
بی حیا ایستردی پیغمبر قیزین ویرسون کنیز
نهی اولا حق امر ایدن اسلامده قارداش حسین
..
..
..
..
فخر ایدردی آلموشام بدر و احددن انتقام
ایلیوبدور بو حسینون جدّی مشروبی حرام
چنگ وور مطرب گتور ساقی مِی گلگون فام
کفرین اظهار ایتدی اخذ کامده قارداش حسین
..
..
..
..
حددن گوردوم چخور مسدود سرحد ایلدیم
دین و قرآنه تجاوز ایلدی سد ایلدیم
سوزلرین منطق اوزیله بیر به بیر رد ایلدیم
حق تصرّف ایلدیم افهامده قارداش حسین
..
..
..
..
اوندا که سوزدن مجاب اولدی او ملعون دنی
امر ایدوب جلّاده گلسون اوردا ئولدورسون منی
مجلسی بیکسلرین دولدوردی داد و شیونی
اضطراب ایجاد اولوب ایتامده قارداش حسین
..
..
..
..
شامده ویرانه ده اکدیم نهال بارور
ایله سون کاخ یزید ظالمی زیر و زبر
عالمه ویرسون جفای آل سفیاندان خبر
وار بویوک تأثیر بو اعلامده قارداش حسین
..
..
..
..
ظلم اهل شامدن قدّی خمیده گلمیشوخ
دست بسته گیتمیشوخ بزم یزیده گلمیشوخ
دیده گلمیشدون بیزه سن، بازدیده گلمیشوخ
چوخ سوزوم وار قلب خون آشامیده قارداش حسین
..
..
..
..
«کهنموئی» وار اگر توفیق خالقده گوزون
ایستوسن بیرده که تأثیر ایله سون خلقه سوزون
سعی ایله قورتار هوای نفس دامندن اوزون
محو اولار هر کیم قالا بو دامده قارداش «حسین»
..
..
..
#اربعین #کهنمویی #ترکی #زبدةالاشعار