گوزلرین قربانی گوزدن سالما چوخدور محنتیم #مهدیه_هدایت_تبریزی

یا مهدی
..
..
..
..
هدایتی تبریزی
..
..
..
..
گوزلرین قربانی گوزدن سالما چوخدور محنتیم
بوندان آرتیق قویما خرد اولسون داخی خصیّتیم
..
خاطرونله خاطریم خوشدور سنه وابستیم
ای نگاریم ای وقاریم ای امید و عزّتیم
..
گوزلریم یولدا قولاق سسده تلاطم ده ئورک
گول جمالین گورماقا واردور ئورک ده حسرتیم
..
گل ، گلن یوللاره قربان انتظاری وئر باشا
بوندان آرتق قویما آرتسین غملی دلده رقّتیم
..
گل الین چک باشمه باشیم اوجالسین گوگ لره
رونقه گلسین معیشت ، آرتق اولسون مکنتیم
..
سن نظردن سالما ، سالسا گوزدن عالم یوخ غمیم
باشمین تاجی ، قراریم ، افتخاریم ، زینتیم
..
گل بلا گردانوم ، قورتار بلالردن منی
وار هوای قربتیم ، گل باشه چاتسین غربتیم
..
دلده آدین ذکر اولاندا گوزیاشیم گوزدن آخار
گل ایاقندان ئوپوم ، گل گل سنه وار حاجتیم
..
یوخ لیاقت گوزلریم ده گورماقا گول صورتین
سن ئوزون گوستر منه ، آرتسین ئورک ده بهجتیم
..
سن «هدایت» دن حمایت ایله ای باشیم تاجی
سن قبول زحمت ایله گر چه وار چوخ زحمتیم
..