حالات حضرت فاطمه زهرا سلام الله علیها
..
..
..
رضا غلامپور (دلپاک)
..
..
..
گوزدن توکم گرکدی سرشک روان یئره
بیر سینه دن آخیبدی بو آی چونکی قان یئره
..
یعنی قاپی دالیندا قالیب حضرت بتول
جاندان دوشوب سورا یخیلیب نیمه جان یئره
..
یئردن گویه فغان گئدر اوج ملالیده
گویدن گلیب ولیک بو غمده فغان یئره
..
بیر تند باد ظلم اَسن لحظه شاخه دن
ناگه قیرلدی دوشدی گل ارغوان یئره
..
بیر ارغوان نه کی دوشنیب صحن خانه ده
گویا کی عطر جانیله بیر گلستان یئره
..
آفت دوشر طراوته هر باغیده اگر
نخل بهاریدن دوشه برگ خزان یئره
..
گلشنده یازدی جوهر اشکیله خط به خط
غملی حدیث غنچه سینی باغبان یئره
..
درج دلین که خازن مخزون حق آچیب
دوشسون روا دگول دئدی درّ گران یئره
..
نامهربان کی کوچه ده آچدی جفا الین
دگدی دئسم غلط دگول اول مهربان یئره
..
دوردی ایاقه بولمورم اما نه یوز وئریب
آهسته بیرده اگلشیب اول ناتوان یئره
..
تا ایتمه سین نشانهٔ ظالم یئر اهلینه
سرعتله گوشواره سی قویدی نشان یئره
..
ای وای دییب توکردی یوزه اشک آلینی
هرگه یولی دوشردی علینین همان یئره
..
بوردا دیردی فاطمیه سیلی ووردولار
بو یئرده فاطمه یخیلیب بی امان یئره
..
بوردا سینیبدی فاطمه نین گوشواره سی
گوشواره سی بو یئرده دوشوب بیگمان یئره
..
بو یئرده یوخ زبان دیه اما سزا دگول
بیر رهگذر ایاق قویا بو بی زبان یئره
..
زهرا یخیلماقی داغیدیب آشیانمی
گویدن اگر دوشه داغیلار آشیان یئره
..
زهرا یوزی بو یئرده دگندن یئره گهی
قویام نهان بو صورتی گاهی عیان یئره
..
احیای حق ایچون قدمین بو مسیریده
مردانه ووردی مفخر کل زنان یئره
..
بیرگون دئدیم کی فاطمه جان من ائشیتمیشم
بیر کوچه ده یخیلمیسان اشک فشان یئره
..
قیلدی بیان عم اوغلی نه غم کی یخیلمشام
من سندن اوتری کوچه ده قدی کمان یئره
..
ای وای که باغلاناندا جفائیله قولارین
بولمم ندن توکولمدی هفت آسمان یئره
..
منظومهٔ سرشکی یئره دوزوموسن بئله
یا نظم خاصیله سریلیب کهکشان یئره
..
سن یئر یوزونده حجت جان جهانیسان
ویرمیش بها سنیله خدای جهان یئره
..
یئرده گرک ولایتیوه امتحان وئره
گویا ولی چتیندی بو سخت امتحان یئره
..
وار شرطی بو ملایمتین ورنه وورموسان
دعواده هر مبارزی ای قهرمان یئره
..
ای وای بئله زمانیه کی وقت کشمکش
گوردم نجه یخیلدی امام زمان یئره
..
بازار غمده اولماگینان طالب ملال
که هم گویه زیاندی غمین هم زیان یئره
..
یئردن دورانمارام کی بولور روزگار پیر
یئردن دورار یخیلسا اگر تئز جوان یئره
..
وئر غسلمی گجیله گئجه قیل کفن منه
تدفینه لیک آپار منی سن بیر نهان یئره
..
مندن سورا عم اوغلی اوزوندن مواظب اول
غملر آرا یخیلما چو سرو روان یئره
..
باخ گوزلریمه گوزلریوه گوزلریم فدا
تیکمه بو قدری گوزلرین ای باغریقان یئره
..
دل صاحبی بولر که قالار دل نه حالته
«دلپاک» اگر یوز اوسته دوشه دلستان یئره
..
گوزدن توکم گرکدی سرشک روان یره #فاطمیه_دلپاک
نظر دهید