گتوردوم ای عم اوغلی جان قبول ایله امانتین #فاطمیه_غفاری_زنجانی

شهادت حضرت زهرا سلام الله علیها
..
..
..
#سبک_الهی_دفن_ایدیم_نجه (سبک اصلی)
#سبک_دل_شب_ایلیوب_سفر … (بدون واگیر)
سبکهای مشابه دیگر (با اضافه کردن واگیر مناسب) … #سبک_الهی_غملی_کوفه_نون … #سبک_تا_مشکتو_تو_آب_زدی … #سبک_حسین_دوشوبدی_مقتله …
..
..
..
حاج اکبر غفاری زنجانی
..
..
..
..
گتوردوم ای عم اوغلی جان قبول ایله امانتین
یوزونده قیل مشاهده جفا و ظلم علامتین
وفاسیز امّت جنایت ایتدی
امانتیوه خیانت ایتدی
..
..
..
..
حضور انوره واریم یانان بو قلبیدن سلام
قبول ایله سلاممی سن ای رسول ذوالکرام
صفای عمرومی بو دم مزاره ایسترم قویام
سنونده خوش اولار منه یتشسه سر سلامتین
..
..
..
..
بو ماه چهره سینده وار او سیلیدن نشان گلور
یارالی سینه، قول سنیق، گوزونده لخته قان گلور
اؤرکده غملرین ایدوب بو مهربان نهان گلور
منه ئولونجه ویرمدی نشان بو قول جراحتین
..
..
..
..
قرا گوزونده باخ ستم گوروب داخی نشانی وار
یوزونده ردّ سیلیِ او مرد شوم جانی وار
سوروش ئوزی بیان ایدر نه دلربا بیانی وار
سنه عیاندی گورموسن عزیزوین فصاحتین
..
..
..
..
قضیّه نی تمام ئوزون سوروش بو خوش خصالیدن
یاراسینون سن علتین ایشیت گوزل مقالیدن
ویرنده شرح آغلادار سنی او شرح حالیدن
بیلرسن اوندا سر به سر بیر عده نون خیانتین
..
..
..
..
بیلرسن اوندا یاریمی او ضربۀ در ئولدوروب
قویوبدی مسلم آدینی عملده کافر ئولدوروب
و یا که توش اولوب غمه قیزیوی غملر ئولدوروب
مدافع امامتیم فداسیدور امامتین
..
..
..
..
نجه دوزوم فراقنه مگر بو آز ملالیدور
گوزومه بیرده خواب ناز گله منیم محالیدور
بو سیل اشکیمه سبب سولان او گل جمالیدور
عم اوغلوین بو غصّه لر بوکر جهاندا قامتین
..
..
..
..
گلر نواسی قلبیمون مثال نی نوالییَم
گرکدی ایلیم فغان نوالییَم عزالییَم
نلر چکوبدی فاطمه بو ماجرایه حالییَم
گوروبدی آستانه ده ئوز اوغلونون شهادتین
..
..
..
..
همای عصمتیم اولوب شکسته پر گتورموشم
گیجه بو یرده گیزلدم داخی گُهر گتورموشم
یارالی یاریم ایلدی گیجه سفر گتورموشم
علینون آلدی فاطمه قرار و تاب طاقتین
..
..
..
..