زبانحال جناب سکینه خطاب به سر مبارک جناب علی اکبر(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا …
.
مرحوم حاج رضا صراف تبریزی
.
هجرینده علی، بو دل صد پاره سیزیلدار
بیر گولدن اؤتور یالواری مین خاره، سیزیلدار
.
.
صف صف دوزولوب سلسلۀ اهل عداوت
دائیم على قارداش منه ایللَّه شماتت
از بسکه دگوب سینه مه پیکان ملامت
باشدان ایاقه جسمیم اولوب یاره، سیزیلدار
.
.
سالدون منی بو زلف گره گیریله بنده
صیاد سالور کیم، نجه آهونی کمنده
بو قوم یهودی ز بس ائیلر منه، خنده
عیسی کیمی کونلوم چکیلوب داره، سیزیلدار
.
.
ظلمیله سنون کسدی باشون لشگر کینه
دوشدی باش آچیخ چؤللره آواره سکینه
قارداش نئجه گؤر بلبل گلزار مدینه
گول رویوه باخدوقجا گلور زاره، سیزیلدار
.
.
عزّتلو باشون، شامه گئدر نوک جداده
باخدوقجا اولور درد و غمیم خیلی زیاده
منده گئدرم ذلّتیلن پای پیاده
باخمام ایاقیم دگسه سرخاره، سیزیلدار
.
.
هر دم داغیدور باد صبا گول یوزه زولفون
جان رشته سیدور، قورخورام آخر اوزه زولفون
پیچیده دور از بسکه خیال گؤزه زولفون
هر تاری دؤنوب نیزده بیر تاره، سیزیلدار
.
.
بیچاره عروسون کسیلوب طاقت و تابی
معجر یئرینه زلف پریشاندی نقابی
دامادون اولوب كاكلینون قیدی طنابی
باخدوقجا سرقاسمه، بیچاره سیزیلدار
.
.
لیلا آنامین حالینه بیر ائیله نظاره
یوخ کیمسه سی بیچاره دی، قیل دردینه چاره
مجنون کیمی هجرینده گلوب ناله و زاره
اغیاره دئمز درد دلین، یاره سیزیلدار
.
.
یاخدون منی بو آتش هجرانه برادر
دوشدوم ره عشقونده بیابانه برادر
غمدن یئتیشوب نازلو باجون جانه برادر
گه زینبه، گه عابد بیماره، سیزیلدار
.
.
پوشیده ائدوب زلف سیه عارض آلون
چک بیر طرفه بیرده گؤروم ماه جمالون
كؤنلوم قوشی از بسکه سئور دانۀ خالون
آردینجا گلور کوچه و بازاره، سیزیلدار
.
.
صرّاف یئتر گوگلره فریاد و فغانون
تؤک درهم و دینار کیمی اشک روانون
بو بیتله سس وئر سسینه اهل عزانون
هجرینده علی، بو دل صد پاره، سیزیلدار
.
.
#راه_شام_صراف_تبریزی
#هجرینده_علی_بو_دل_صد_پاره_سیزیلدار
#ترکی
.
✍️ #زبدةالاشعار ✍️
.
🆔: @nohe_torki
نظر دهید