در شهادت حضرت خاتم الانبیا (ص)
.
✍️ #زبدةالاشعار ✍️
.
🆔: @nohe_torki
.
#سبک_منیم_ای_تشنه_قربانیم
#سبک_علی_اصغر_مه_انور ( 8 سبک سینه و زنجیر)
..
مرحوم مضطر اردبیلی
.
پیمبر ایلیوب رحلت باشی حیدر قوجاقینده
حسینون پیکری اما قالوب گونلر قباقینده
.
.
پیمبر باشینون اوسته اوخوردی مرتضا قرآن
چکنده آه یوز یردن دیردی اهل بیتی جان
سراغیم وار حسین اما اولاندا امّته قربان
قلجلار الده قاتللر دوروب هم صولدا ساقینده
.
.
پیمبر رختخواب ایچره جهاندان ایلدی رحلت
عیال اطفال و اولادون یوزینه قالمادی حسرت
حسینه شمر دون اما زمانی ویرمدی مهلت
باشی اوسته گله زینب او شاهون غملی چاقینده
.
.
پیمبر ئوز وصی سینه غم و دردین بیان ایتدی
آچوب باشین قزی زهرا یولوب زلفین فغان ایتدی
حسینون باشینی عدوان یزیده ارمغان ایتدی
دالیجان عترتی دوشدی بیابانه فراقینده
.
.
پیمبر جان ویرن وقته حسنین ایلدی افغان
امیر المومنین غسلین ویروب توکدی سویی سلمان
دلیم لال اول حسین دردین دیوم یا ایلیوم پنهان
نجه کشف ایلیوم پامال اولوب آتلار ایاقیندن
.
.
پیمبر گیتدی دنیادن ایدوب دامادینی نائب
اونا غسل و حنوط ائتدی علی بن ابیطالب
حسین ئوز نائبین گوردی بلا محنته راغب
اسیر شمر اولوب وار کُنده و زنجیر ایاقینده
.
.
…؟؟؟.. (1)
پیمبر جان وئرنده وئردیلر سو اولمادی عطشان
فراتون یوللارین اما حسینه باغلیوب عدوان
سوسوزجان ویردی اول شه لخته لخته قان دوداقینده
.
.
ئولنده ختم پیغمبر ملائکلر نماز ایتدی
اونون دفنین جلالیلن شهنشاه حجاز ایتدی
حسین تشنه لب قانیله شیعه دستمار ایتدی
گلوب راز و نیازه قتلگهده قان رواقینده
.
.
یازاندا «مضطر» نالان بو شرح محنت افزایی
توکوب خامه سرشک غم ایدوب رنگین طغرانی
بودور حسرتله روز و شب اورکده درد پنهانی
همیشه وار او شش گوشه مزارون اشتیاقینده
.
(1) در کتاب این مصرع نوشته نشده است .
.
.
.
#پیامبراسلام_شهادت
#پیمبر_ایلیوب_رحلت_باشی_حیدر_قوجاقینده
#پیامبراسلام_مضطر_اردبیلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید