یاتوب یزید لعین رختخواب دیباده #کوچ_شام_یحیوی_اردبیلی

آزادی اسرا از اسارت یزید
..
..
مرحوم یحیوی اردبیلی
..
..
یاتوب یزید لعین رختخواب دیباده
اَبُ الائمّه نی گوردی زمان رؤیاده
..
کمال صولت و قهریله الده تیغ دو سر
خطاب قیلدی غضبله او خانه بر باده
..
نه وقته کیمی مگر اهل بیت دلخسته
فشارده قالاجاقدور خرابه مأواده
..
اگر صباح اولاری عزت و جلالیلن
بوراخماسون وطنه اول بلایه آماده
..
بو امری درک ائلینده معاویه اوغلی
آچوب گوزون یوخودان خوفناک او اثناده
..
حضوره ایستدی آل رسولی حسرتیله
ادبله ائیلدی تعظیم امام سجاده
..
گتوردیلر نچه کیسه طلا او مجلسده
امام زاده یه عرض ائتدی اول زنازاده
..
قبول ائله شهدا قانینون بهاسیدی بو
منی باغیشلا خطا ائتمیشم بو سوداده
..
بویوردی سید سجاد او مرد خونخواره
عجب بیلوبسن حسین خونبهاسینی ساده
..
بو خون، خون خدادور نئجه کیگوم بوندان
بو قانی صاحبی سندن آلاجاق عقباده
..
اگر تمام جهان ملکینی عوض وئره سن
بهای طرّه ی اکبر دگل بو دنیاده
..
فقط دئ غارت کرب و بلانی وئرسونلر
نشان وئرک اونی قبر رسول و زهراده
..
او دم گتوردیله غارتلری از آن جمله
که بوندان آرتوخ اونون موردی یوخ انشاده
..
بیری لوای ابوالفضلیدی بیری مشگی
او مشگ پاره که اوخلاندی غملو صحراده
..
بیری عمامه ی ختم رسول عالمیان
بیری زره بیری نعلین بیریسی سجّاده
..
بیرین دیوم نئجه آیا بو بزمه حاضردور
جناب فاطمه آغلار بو درده معناده
..
او سینه که اونا دورت مین یارا وورولموشیدی
مقطّع اولموشیدی سمّ اسب اعداده
..
او کوینکی که همان سینیه یاپیشمیشدی
اونی چیخارتموشیدی شمر حین یغماده
..
او قانلو کوینکی زینب باسوبدو سینه سینه
حسین باجون سنه قربان دیوب گلوب داده
..
سفر تدارکی تنظیم اولوندی کوچ اولسون
دایاندی زنگ شتر بانگی چرخ بالاده
..
سوار اولوب اسرا محمل سیه پوشه
اولوندی تا حرکت ساعت مهیّاده
..
وئریلدی بدرقه بش یوز سوار شام اهلى
او فوج محنتی قویسونلا شهر بطحاده
..
ایدوبله طیّ مسافت کناره یوللاردان
قباقدان اولدی نمودار بیر سَر جاده
..
یتوب مشام لره عطر تربت شهدا
او سمته اولدی روان کاروان آزاده
..
سوار شام دوروب بیر آقاج اوزاق یئرده
نچون حرملر آچور باشینی او مأواده
..
مقابل اولدیلا آرامگه شهیدانه
قطار غم دایانوب تا کنار میناده
..
مطافدن ائیلدی کوچ جابر انصار
دوتوبدو امر امامی مقام اجراده
..
توکولدیلر هامی تپراقون اوسته هودجدن
حسین حسین سسی پیوسته عرش اعلاده
..
خبر یتیشدی یوخوندا اولان قبیله لره
قبیله عورتی جمع اولدی اول غم افزاده
..
چکیلدی حوصه ی ماتم یولوندی گیسولر
وورولدی حلقه ی یاس دور آل طاهاده
..
جناب زینبه غمخوار اولوب او عورتلر
سالوب حسین غریبون مصیبتین یاده
..
که ای ائوی داغیلان خیمه سی یاتان آقاوای
جلالی برهم اولوب گلشنی سولان آقاوای
..
وئرن جفائیله جان تشنه سو کنارینده
حصیر اولان کفنی غسلی قان اولان اقاوای
..
یاراسی گلمین عالمده هیچ شمار اوسته
آراده پیکر صد پاره سی قالان آقاوای
..
قویوبدو درگهیوه «یحیوی» رخ امّید
اونا توجّهون عطف ایله ای امام شهید
..
..
..
#کوچ_شام #یحیوی_اردبیلی #ترکی #زبدةالاشعار