اوکی یازور چاتا سیم و زره حسین چی دگول #حسینیه_عاصم_اردبیلی

حسینچی …
.  
✍️ #زبدةالاشعار ✍️  
.  
🆔: @nohe_torki  
.
مرحوم عاصی اردبیلی
.
اوکی یازور چاتا سیم و زره حسین چی دگول
اوکی یالان قوشور اول سروره حسین چی دگول
.
اوکی باخار گؤزی وار، لیک بیر یتیم اوشاغین
گؤزونده باخماییر اشک تره حسین چی دگول
.
اوکی ائدیر هامی نی نفی اؤزون ائده اثبات
یاییلسا شهرتی ده گؤیلره حسین چی دگول
.
اوکس کی قدرتی وار ایش گؤروب چؤرک قازانا
بو فکری باشدان آتیب یکسره حسین چی دگول
.
اوکس کی قونشوسین آجلیق قویوبدی منگنه یه
ائوینده سفره آچیب اکبره حسین چی دگول
.
اوکس کی شاخدادا دین قارداشین گؤرور عریان
عنایت ائتمیور اول مضطره حسین چی دگول
.
اوکس کی مجرمی محرم ائدیر بئش اون تومنه
چیخاندا نخوتیلن منبره حسین چی دگول
.
اوکس کی خلق خدانین کسیر جیبین اما
گئدیر زیارت پیغمبره حسین چی دگول
.
اوکس کی ضجه ی اطفالدن توتور قولاغین
توسل ائیله سه ده اصغره حسین چی دگول
.
اوکی حسینی فقط منحصر بیلیر اؤزونه
سؤزونده اوخشاسادا نوکره حسین چی دگول
.
اوکی بیلیر اؤزونی خاک پا حسین چی لره
عملده اوخشاماسا انوره حسین چی دگول
.
اوکس کی اون بیر آی اعمال خیردن چکینیر
بیر آی فقط چکیر اؤرتوک شره حسین چی دگول
.
اوکس کی غارت ائدیر خلقی، لیک ماه عزا
قان آغلاییر سویولان معجره حسین چی دگول
.
موکلی کی حسینی وکیل بیلیر اؤزونه
گلنده نامه سیه محشره حسین چی دگول
.
مرید عشق جانیندان کئچیب چاتار هدفه
ساتان مرادی زر و زیوره حسین چی دگول
.
حسینه عاشق اولان کیمسه دار دنیاده
حسین کیمین یاشایار سرفراز وآزاده
.
.
#حسینیه_عاصم_اردبیلی
#حسینیه_مدح #پندیات_حسینچی
#او_کی_یازور_چاتا_سیم_و_زره_حسین_چی_دگول
#ترکی
.  
✍️ #زبدةالاشعار ✍️  
.  
🆔: @nohe_torki