زبدةالاشعار

اوگون که موکبِ معصومه قمدا برقرار اولدی #بیدق_داری #حضرت_معصومه

زبانحال حضرت معصومه سلام الله علیها
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
اوگون که موکبِ معصومه قمدا برقرار اولدی
او خاتون جانب طوسه باخوبدور اشکبار اولدی
.
الی قلبینده سسلوردی گَل ای معصومه نین جانی
رضا جان آیریلیقدان گوزلریم ابر بهار اولدی
.
گَل ای آهونی صیادین الیندن قورتاران قارداش
بو معصومه اجل صیادینه قمدا دچار اولدی
.
یوخومدور بیر کسیم بوردا اولوبدور غم پرستاریم
بو غربت بئرده جان اوسته منه غم رازدار اولدی
.
گلوبدور غم گئچن گونلر منه باش چکمگه اما
باخوب احوالیمی گوردی او مندن شرمسار اولدی
.
دئدیم سنلن گئچر عمریم خوش اولام وصلیوه اما
دولاندی چرخ بازیگر بیر آیری روزگار اولدی
.
سارالدیم آیریلیقدان نامه ده یازدیم سنه لیکن
یوزومدن نشأت آلدی خطِّ نامه زرنگار اولدی
.
حدیث سلسله خلقه بویوردون یازدیلار یکسر
ائشیتدیم بو حدیثی من ئورک امیدوار اولدی
.
حدیثین شرطی سن سن ای منیم آرامش جانیم
منه اول قلعۀ ایمن سنیلن آشکار اولدی
.
سنون دارالشّفادور آستانون منده بیمارم
بو بیمارون سنه خاطر یامان درده دچار اولدی
.
ئولنده ظلمیله قارداش جوان قارداشلاریم یولدا
ئولردیم ، عشقون امداد ائتدی قلبیم بردبار اولدی
.
ئوزوم گوردوم بویاندی قانینه اعوان و انصاریم
کَاِنّه عرصۀ میدان دونوبدور لاله زار اولدی
.
ئوزوم بستردیم اما دوشور یاده بی بیم زینب
او غملردن گونوز قارداش گوزومده شام تار اولدی
.
منیم تک چوخ بلا چکدی اودا غربتد جان وئردی
اونون احوالینه شاهِ شهیدان اشکبار اولدی
.
منیم قارداشلاریم ئولدی یانوب قلبیم الولاندی
اونوندا ئولدی قارداشی ئورکدن داغدار اولدی
.
نئجه عمَّم چاغوردی تشنه سلطانی ئولن وقته
چاغیرام منده گَل قارداش که وقت احتضار اولدی
.
گذشت ایله اگر عرضیم چوخ اولدی ای وفا کانی
ئورکده داشلانوب غملر دیلیم بی اختیار اولدی
.
.
#حضرت_معصومه_شهادت
#او_گون_که_موکب_معصومه_قمدا_برقرار_اولدی
#بیدق_داری
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  خبرین وار کی منی درده دچار ایله میسن #مهدیه #هدایت_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی