ای یثرب ارا ائللریمون دلبری عباس #حضرت_ام_البنین_نادربابایی

زبانحال جناب اُمّ البَنین(س)
.
.
حاج نادر بابایی
.
.
ای یثرب اَرا اِئللریمون دلبری عباس
اولدی گوزَل آدون دیلیمون اَزبَری عباس
.
.
بایرامدا وئرللَر بالا هر اِئولره زینت
تازه گینَر خوردا بویوک وار بِله سُنّت
امّا نَنووَه سیر قضا وئرمدی فُرصت
تقدیر اَلی ایستوردی منه پای بِله بولسون
قالدی قاپومیز باغلی اَباالفضل نَنون ئولسون
.
.
گوندَردون اوغول پای ،منیده ایله موسَن یاد
سوغاتون ائویمده ائلیور مَنظره ایجاد
قانلی عَلمون گلدی اَباالفضل اِئوون آباد
هَر دَم یِل اَسَر قانلی عَلم ایلَر اشاره
آلّام سینه مَه پرچمووِی من گونی قاره
.
.
هر صبح آچیلاندا چیخارام سیر خیاله
گَللم تَزه بیر نوحه یلن بیرده مَقاله
گون باتجاقین امّا باتارام بَحر مَلاله
بیر داغلی شقایق بالا قلبیمده دی سولماز
سونسیز نَنووِن هِچ کیمیله گِئت گَلی اولماز
.
.
بیر گون آنالار اَنجمنینده منیدیم باش
بیرده قَیدیدی اوکِچن گونلَریمیز کاش
بَختیمله اولیدی گِنه بَخت اولدوزی یولداش
اَوّل من ئولیدیم منیم ئوز یاسیم اولیدی
تابوتیمی حَمل ائتمگه عباسیم اولیدی
.
.
تقدیر اَلی افسوس منی غملَره سالدی
نورسته جوان ئولدی،قوجا بیر نَنَه قالدی
بیر نِسگیلون امّا منیم آرامیمی آلدی
یاننام بو غمه کِلک قضایا بِله یازدی
بیر خورداجا قبری اوجا بوی اوغلوما قازدی
.
.
بایرامدا اوشاقلار گینر تازه لباسی
گوررَم بالووِن تازه لَنر آه و نَواسی
وئروک اَل اَله اوندا دوزولسون غم اَساسی
مَشکیله عَلم ساخلاماقی سینه می داغلار
هردم دایانار آستاندا غُصّه دن آغلار
.
.
(نادر ) گنه ده یادووَه سال نَهر فراتی
نهر اوسته یاتان صاحب حُسن و حَسناتی
صدقیله چالیش تا چالاسان باب نجاتی
سوز صاحبینه سعی ائله سوزلر اثر ائتسون
تا قانلی گوزیله سنه مولا نظر ائتسون
.
.
#حضرت_ام_البنین #نادربابایی #ترکی #زبدةالاشعار