زبدةالاشعار

باخاندا بلبل شوریده سر خزان یرینه #حسینیه #خازن_تبریزی

شهادت حضرت ابی عبدالله الحسین (ع)
.
✍️ #زبدةالاشعار ✍️
.
🆔: @nohe_torki
.
مرحوم خازن تبریزی
.
باخاندا بلبل شوریده سر خزان یرینه
شیر سرشگینی حسرتله گلستان یرینه
.
گورر سولوب سارالوب غنچه گل چمن پوزولوب
سالوبدی خار خسان سایه بوستان یرینه
.
اگیوبدی قاره عروسان نوبهار چمن
خدنگ قامتی چون سرو اولوب کمان یرینه
.
دگربدی بیر بیره عالم اسوب قرا یللر
دوشوبدی عرش خدای جهان جهان یرینه
.
حسینی یعنی یوزی اوسته سالدى شور وفا
چکوب آپاردی او گوگلینده کی گمان یرینه
.
شهید عشق آچوب قانلو گوزلرین گوردی
مقام قربه یتوب یول تاپوب امان یرینه
.
کسوبدی رشتۀ امّید علاقه جاتیندن
اولوبدی طالب مرگ عمر جاودان یرینه
.
او مست بادۀ روز الست دست بدست
کچوبدی باشدان ایاق قویدی امتحان یرینه
.
وفا به عهد قیلوب ئولدی امتیازیله
وریلدی باشینه مین یاره بیر نشان یرینه
.
حسین غش ایلمیشدی نه واله اولموشدی
باخاندا محضر جانان عزّ و شان یرینه
.
دوتوبدی دسته بدسته بلا خدنگ لرین
آلوب کنارینه آغوشه باسدی جان یرینه
.
اوهایهویده دوردی اقامه قیلدی نماز
دیردی کلمۀ تکبیر اؤزی اذان یرینه
.
یقین ترحّم ایدردی حسینه گبر و مجوس
اگر اولیدی او صحراده کوفیان یرینه
.
او قدر توکدیله اوخ پاره سی قلج سنقی
گروه کینه او سلطان بی کسان یرینه
.
اویان بویانه دولانماقی ممکن اولمازدی
دگوبدی اوخلار اوخ اوسته سنان سنان یرینه
.
او دمده شمر حسین قتلینه اولوب مأمور
او شام تیره یتوب نیّر زمان یرینه
.
چخوبدی چکمه لی عرش خدایه بی پروا
دوشوبدی رعشه سماواته قدسیان یرینه
.
کسوب حسین باشینی قویدی عالمی باشسیز
باش آچدی فاطمه شیون سالوب جنان یرینه
.
اوغول دیه دیه کرب و بلایه گلدی بتول
حسینی تاپدی باخوب شاه عاشقان یرینه
.
نه گوردی اوغلونی یارب لباس سیز یخلوب
یارالاریندان آخار قان اولور روان یرینه
.
گوتوردی معجرینی آچدی پردۀ زلفین
سالوب جنازه سینین اوسته سایبان یرینه
.
حسین حسین دیوب آغلاردی هایهائیله
باخاندا حسرتیله ظلم ساربان یرینه
.
دیردی کیم سنی بو حاله سالدی ای روحیم
گوروم اوغول هیچ آنا اولماسون آنان یرینه
.
قالوبدی گل بدنون گون ایوینده غرقه بخون
باشون جداده گیدوب شامه ارمغان یرینه
.
او قدر جهد ایله خازن سنی خدای رحیم
قویا حسینینه بیر قطره آغلیان یرینه
.
.
.
.
#حسینیه #خازن_تبریزی
#حسینیه_شهادت
#باخاندا_بلبل_شورید_سر_خزان_یرینه
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  عباس اویان بو چولده یاتما قارداش #عباسیه #احمد_پوریا

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی