روسیاهم ای خدا مندن خطا سندن عطا #مناجات_زلفی_تبریزی

مناجات
..
..
..
..
زلفی تبریزی
..
..
..
..
روسیاهم ای خدا مندن خطا سندن عطا
مالک یوم جزا مندن خطا سندن عطا
..
..
..
..
سن من بی آبرونی آبرودار ایلدون
شر عمل فعلیندن ای بخشنده بیزار ایلدون
من گنهکاری اوز عشقونده گرفتار ایلدون
ای منه باب رجا مندن خطا سندن عطا
..
..
..
..
گلمیشم درگاهیوا طاهایه خاطر عفو ایله
سن که واهب سن منی زهرایه خاطر عفو ایله
شاه مردان حیدر اول مولایه خاطر عفو ایله
ای اولان صاحب عطا مندن خطا سندن عطا
..
..
..
..
شر عمل پرونده مه یازمیش کرام الکاتبین
ال منیم دامن سنین ای کردگار بی قرین
اولما راضی یوم محشرده اولام زار و غمین
ای خدای لا یرا مندن خطا سندن عطا
..
..
..
..
هر نه یول گیتدیم خطا سن التفات ایتدون منه
رحمتین ای من له القدرت برات ایتدون منه
باب آل احمدی باب نجات ایتدون منه
عفو ایله یا ربنا مندن خطا سندن عطا
..
..
..
..
جرم پرونده م آغیر گلدیم سنه یالوارماقا
سن چاغیردون بنده گل من گلدیم احسان آلماقا
دلخوشام بی واسطه درگاهیوا یول سالماقا
ای خریدار دعا مندن خطا سندن عطا
..
..
..
..
زلفی ام احسان ایدوبسن ای سزاوار ثنا
من که لالیدیم خدایا من هارا وصفین هارا
هر نه اولسامدا عجب عشقینده اولدوم مبتلا
یا اِلهَ الکبریا مندن خطا سندن عطا
..
..
..
..
#مناجات #زلفی_تبریزی #ترکی #زبدةالاشعار