در بیان مصایب و مظلومیت حضرت اباالفضل (علیه السّلام)
..
..
..
..
..
مرحوم کاتب اردبیلی
..
..
..
..
..
محنت کرب و بلانی ایلین وقته رقم
نام عباسه یتر بی اختیار آغلار قلم
..
..
..
..
..
یعنی حقینده اونون چوخ ظلم قیلدی اشقیا
سو کنارینده سالوب قولارینی اهل جفا
باسدی آغوشه سو مشکین جان کیمی اول باوفا
تا یتیرسون خیمیه سیراب اولا اهل حرم
..
..
..
..
..
ناگهان بیر بی حیا قویدی کمانه تیر کین
شرم قیلموب ایلدی مشکی نشانه اول لعین
اوخ گلوب مشکه دگوب اگدی اونون رعنا قدین
آخدی اول قانه دونن سو یوز وئروب عباسه غم
..
..
..
..
..
مشکدن مأیوس اولوب ائتدی عقابینه خطاب
گئتمگیم یوخدور داخی سمت خیامه ای عقاب
خجلتیم وار گئتمرم عطشاندی آل بوتراب
جام الینده العطش سویلر سکینه دم به دم
..
..
..
..
..
گلدی بیر ظالم اولوب اول سروریله روبرو
ویردی بیر دل یاره سی اول ظالم بی آبرو
عرض ائدوب عباس سالمیشدون بو دشته هایهو
هم نبردم گلمیشم تا سنله دعوا ایلیم
..
..
..
..
..
وئردی بو نوعی جواب دشمنی اول نامدار
بیر بئله وقتیمده گلدون منده یوخدور اقتدار
حیف اولا تئز گلمدون ای ظالم بیننگ و عار
نه قولوم وار نه قلنجیم نه سپر وار نه علم
..
..
..
..
..
بیلمرم اول بی حیا نه ظلم ائدوب اول سروره
آیری نحویله اونی سالدی عقاب اوستن یره
قولاری سالم دگیلدی تا یره تکیه وئره
گلدی توپراقه یوزی اوستونده اول کان کرم
..
..
..
..
..
محنت کرب و بلانی ایلین وقته رقم #عباسیه_کاتب_اردبیلی
نظر دهید