زبدةالاشعار

مصیبتین بو فلک آخرین نشان وئردی #حضرت_رقیه_علیوی

در سوگ خانم رقیه (س)
.
✍️ زبدة الاشعار ✍️
.
🆔: @nohe_torki
.
علیوی
.
مصیبتین بو فلک آخرین نشان وئردی
قوپوب خرابه ده طوفان رقیه جان وئردی
.
سولان جماله باخانین گلوب قانی جوشه
بالاجا نعشی خانملار چکوبلر آغوشه
.
بیری دئدی یومولان گوزلره گوزوم قربان
بیری دئدی یورولان جانیوه ئوزوم قربان
.
بیری قولوندا که رد طنابه آغلوردی
بیری گوز آلتی باخوردی ربابه آغلوردی
.
دیوردیلر که ربابین مصیبتی چوخوموش
قرا یازیلموشیمش بختی آق گونی یوخوموش
.
خلاصه تیر مصیبت دگوبدی آماله
خبر وئروبله خانملار گلوبدی غساله
.
وئرردی غسلینی زینب قازاردی تربتینی
ولیکن ایستدی عالم بیله مصیبتینی
.
چخاتدی پاره لنن کوینگین غرض تن نن
یازولا غسلی شروع ائتممیش ائدوب شیون
.
کانه اول خانمون قان قاریشدی گوزیاشینا
کبود اولان بدنین گورجگین ویروب باشینا
.
بو سوز حسینچیلرون قلبینی کباب ایلر
غریبه باشه وراندا گورون رباب نیلر
.
دئدی بو غم منی آز قالدی باغریقان ائلسون
هانی سیزون بویوگوز علتین بیان ائلسین
.
نه دردی واردی مگر علتین دیون علنی
نیه بو خردا اوشاقین کبود اولوب بدنی
.
هما کیمی نیه بال و پری سینوب بو قزین
نه اتفاق دوشوب توکلری یانوب بو قزین
.
بویوردی زینب کبری منی کباب ائدوسن
بئله سوال ائلیوب حالیمی خراب ائدوسن
.
بالام اسیریدی اهل نفاق و تزویره
سنیق کجاوه ده باغلانمشیدی زنجیره
.
سالوبلا آت دوشونه کربلاده پیوسته
ایاق یالین دولانوبدور تیکانلارین اوسته
.
ویروبلا صورتینه آغلیاندا قارداشینا
یانوبدی توکلری چون اوت توکوبدیلر باشینا
.
گهی بو نوگلومی شمریلن سنان وردی
ال آتدی قمچیه گه زجر و ساربان وردی
.
چوخیدی گرچه دلیلی جهاندا گوزیاشینا
گیرنده قصر یزیده آغاج دگوب باشینا
.
خلاصه غسلی قوتاردی یتیشدی وقت کفن
دوباره اولدی خرابه او جمعه بیت حزن
.
دئدی خانملارا غساله ائتمیون افغان
دورون کفن گتیرون جانوزه جانیم قربان
.
دئدیله شه قیزیدی دردی منتها چوخدی
خجالتیک گوروسن الده بیرکفن یوخدی
.
بو غمده وار یری گویدن یره بلا توکوله
باشینان آچدیقیمیز معجره گرک بوکوله
.

متن پیشنهادی:  الله اکبر - الله اکبر گلدی دنیایه - زهرای دیگر #حضرت_معصومه_احمد_پوریا

#حضرت_رقیه_شهادت
#مصیبتین_بو_فلک_آخرین_نشان_وئردی
#علیوی
#ترکی
.
✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی