زبدةالاشعار

ویرانیه غسّاله گلوب باب غم آلیشدی #حضرت_رقیه #آثم_تبریزی

خرابه شام
آمدن غسّاله بعد از وفات حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
آثم تبریزی
.
ویرانیه غسّاله گلوب باب غم آلیشدی
بیر آه جگرسوز چکوب یاندی آلیشدی
.
گوزکاسه سی لبریزاولوب اشکیله داشدی
اوّل او قیزین باغلی قالان قولارین آشدی
.
باخدی گوورن صورتینه حالی پوزولدی
گوز قطره سی مرجان کیمی رخساره دوزولدی
.
آثار جفا لر گتوروب داد و فغانه
گفتاره گلوبدی دل شبده یانا یانه
.
ایوای منه باشدان باشا نیلیدی عذاری
یاندیردی بو غم ایتدی پریشان من زاری
.
کیم سیلی ویروب بو رخ زیباسینه یاندیم
یاندیم شرر محنته دلدن یارالاندیم
.
بو صورت زیبایه مگر سیلی ویراللار
قول باغلی اسیری بیله احواله سالالار
.
هر کیم بو قیزا سیلی ویروب اللری یانسون
یانسون اورگی ناله سی افلاکه دایانسون
.
گل تک سارالوب صورت گلناری سولوبدی
چوخ ظلم و ستم بو قیزا واللهی اولوبدی
.
هیچ گل بیله عالمده خزان اولمیوب اولماز
تا واردی جهان گلشن آرا گل بیله سولماز
.
بیر تازلی بالادور بو شه دینه گوروبلر
معلوم اولالی بو قیزی یوللاردا دوگوبلر
.
قمچی وورولوب باشینه یوللاردا دمادم
صدمه یتوشوبدی گوزونه باشینه باهم
.
واردوربدنینده بو قیزون چوخلی یاراسی
ویرانه ده دفن ایلسون اگنینده لباسی
.
تا واردی حیاتیم بو قیزون حالینه یانّام
ناله چکرم حالینه احوالینه یانّام
.
زنجیر جفا بوینونا ظلمیله سالوبلار
گوشواره سینی کوفه لیلر یولدا آلوبلار
.
بو گل بدنی ایلوری عالمجه حکایت
رحم ایلمیوب بو قیزا بی رحم جماعت
.
بیر عمر منی اودلارا بو غم سالاجاقدی
خونابۀ دل اشکیله باهم آخاجاقدی
.
قربان اولا عالم بیله بیر نازلی بالایه
باش یاره یوزی نیلی گیدور دار بقایه
.
هر کیم بو قیزا آغلاسا دنیا بویی آزدی
آخر بوقیزین قبرینی اوز عمّه سی قازدی
.
اوپدی یوزونی گوزلرینی زینب نالان
تارایتدی گوزونده گونوزون زار و پریشان
.
آغلار گوزویله قبره قویوب یاندی آلیشدی
بیر قدر رقیه ییله مزار ایچره دانیشدی
.
ای زینبین آرام دلی صبرو قراری
بیر کلمه دانش منلن دوباره سنی تاری
.
قربان اولا عمّه ن سنه یاتما بیله راحت
برپادی حرم اهلینه دور گور نه قیامت
.
بو آیرلیق هنگامی منی درده سالوبدی
آرام دل و صبری قیزیم مندن آلوبدی
.
بیر عمر سنون حالیوه دلدن یانارام من
آلام وغمون یاده سالوب اودلانارام من
.
(آثم) داخی ساخلا قلمون یازما اماندی
آهیم شرری گورموسن افلاکه دایاندی
.
.
#حضرت_رقیه_شهادت
#ویرانیه_غساله_گلوب_باب_غم_آلیشدی
#آثم_تبریزی
#ترکی
.
✍️ #زبدةالاشعار ✍️
.
?: @nohe_torki

این متن را هم بخوانید:  ای قوشون سرداری قارداش ویرخبر لشگر دایانسون #ورود_کربلا #صحاف_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی