زبدةالاشعار

الهی مرتضی آغلار ، اوجالدی زینبین نواسی #فاطمیه_امانی_اردبیلی

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
حاج علیرضا #امانی_اردبیلی
.
.
سبک : حسین تعجیلیلن گیتمه … حسین جان گل علمدارون … خداوندا الیم بوشدی …
.
.
الهی مرتضی آغلار ، اوجالدی زینبین نواسی
گئدور گیزلین گئجه یاری ، مزارینه حسین آناسی
بلالر آشناسی زهرا
قورولمیان عزاسی زهرا
.
.
الهی زینبین بختی ، بو غمده ائتدی قاره زهرا
یاراسیننان آخور قانی ، نئجه گئدور مزاره زهرا
تاپیلمیان دواسی زهرا
ساغالمیان یاراسی زهرا
.
.
حسن آغلار حسین آغلار ، عزایه بیر گلن گئدن یوخ
مطهّر پیکر اوستوندن ، بالالارین کنار ائدن یوخ
غمه دچار اولان آنام وای
عزاسی خوار اولان آنام وای
.
.
بهارین فصلی عمرینده ، چمنده هانسی گول سولوبدی
آنام زهرا کیمی یارب ، کیم ئوز ائوینده غسل اولوبدی
خزانیدن سولان آنام وای
ائوینده غسل اولان آنام وای
.
.
الهی زینبین چوخدور ، اورکده دردِ جانفزاسی
اولار شان شان یانان قلبیم ، دئییلسه کوچه اوخشاماسی
شکسته گوشواره زهرا
الین قویان عذاره زهرا
.
.
ئوپر زهرا ایاقیندان ، ائدر وداعی نور عینی
دئیر بیر قانلی مقتلده ، اماندی یاده سال حسینی
خیامه گوزلریم باخاندا
بوغازیمین قانی آخاندا
.
.
الهی اولموشام خادم ، حسینه واردی اشتیاقیم
الیمنن دوت ئوزون قویما ، بو یولدا کج اولا ایاقیم
«امانی» غملی نوکر اولسون
بو یولدا عمری آخر اولسون
.
.
.
#سبک_حسین_جان_گل_علمدارون
#سبک_خداوندا_الیم_بوشدی
.
.
#فاطمیه_شهادت
#الهی_مرتضی_آغلار_اوجالدی_زینبین_نواسی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  لایلای ای ویرانسرانین خوردا پرچمداری لایلای #حضرت_رقیه_معروف_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی