حالات حضرت امام هادی (ع)
#گریز به #مجلس_ابن_زیاد
✍️ زبدة الاشعار ✍️
?: @nohe_torki
.
حاج داود بیدق داری
.
ای سامره سی قبلۀ جان حضرت هادی
محبوب خداوند جهان حضرت هادی
درگاهی اولان کهف امان حضرت هادی
سن اخترِ برجِ نبوی شمس هداسن
ماهِ علوی آینۀ حسن خداسن
.
.
افلاک هدایت گونی سن عالمه تابان
عصمت گویونون اولدوزیسان جلوۀ سبحان
مین اولدوز اولا پرتو تابانیوه قربان
سرچشمۀ نور اولدی سنون خلقه پیامون
غفلتده قالان خلقی اویاندیردی کلامون
.
.
ایمان وعبادت گلی آچدی چمنونده
وار جامعه نین روحی مبارک سخنونده
انوار خدا جلوه ده حُسنِ حَسَنونده
هم حُسنووه هم سوزلریوه دوز وئروب الله
هم معنی ایماندیلا هم ساده و دلخواه
.
.
تاریخ ئوزی حیرتده قالوب سنده کی عزمه
اخباری اوخوردوم چکم احوالیوی نظمه
گوردوم که پیاده آپاروبلار سنی بزمه
سندیرمیوب اما سنی زور متوکّل
سنماز بلی کیم اولسا خدایه متوسّل
.
.
دشمن بئله فکر ائتدی چاتا ظلمیله کامه
چکدی بو خیالیله سنی مجلس عامه
مغروریدی بی پایه اولان جاه و مقامه
بیر شعر اوخودون قلبیده ایمان تزه لَندی
دوشدی یادینا قبر ائوی گوزیاشی اَلَندی
.
.
اوردا سنی اینجیتمه دی آدین قویان انسان
نه اللریوی باغلادی نه ائتدی پریشان
نه قمچی ووران واریدی نه صحبت زندان
اما وئر اجازه دئیوم ای رهبر دوران
عَمَّه ن نه سیاقیله اولوب کوفه ده مهمان
.
.
یاندیردی منیم قلبیمی بوغصّه لی مطلب
افلاک حجاب و شرفه جلوه لی کوکب
زهرا قیزی طاها نوه سی حضرت زینب
باغلاندی بالا قیزلاریلان یولدا طنابه
قول باغلی پیاده چکیلوب بزم شرابه
.
.
بیر مجلسیدی الده پیاله هامی خندان
تعویض اولونوردی زریلن سکۀ ایمان
تخت اوسته زیاد اوغلی مقابلده اسیران
ائتمشدی مکان طشتی سرِ انورِ سلطان
باغلانمیشدی قول قولا اطفال هراسان
.
.
دوردی ایاقا ابن زیاد ائتدی نظاره
آغزین که آچوب سالدی اورکلرده شراره
گوردوز دئدی حق وئردی بیزه فتح دوباره
اللهین ایشین سیز نجه گوردوز بورا چاتدوز؟
بو جنگ و جدلدن دئیون آخر هارا چاتدوز؟
.
.
بوسوزلری زینب ائشیدوب دوردی یریندن
قلبینده دئدی لطف ائله ای قادر ذُوالمَن
تشریح ائلیوم ماحَصَل نهضتی روشن
سندیرماسام ایمانیله من ابن زیادی
آینده ده امّت تانیماز کان فسادی
.
.
حمد ایلدی زهرا قیزی اوّلده خدانی
یاد ایلدی اوندان صورا شاه شهدانی
یوز دوتدی صورا دشمنه صدّیقۀ ثانی
فرمایش ائدوب سیل گوزیوی یاخشی باخ الان
گور کیمدی گلوب اللری باغلی سنه مهمان
.
.
من دختر زهرا روش شاه ولایم
من شیرزن بیشۀ خونین قضایم
دیباچۀ زرّین کتاب شهدایم
فخر ایلیورم خواهر عباس و حسینم
محبوب دل و زینت سالار حنینم
.
.
بو قیزلارا خاطردی گلور عطر گلِ یاس
لایق دگی سن عطری اودور ائتموسن احساس
بو گُللری احساسیله چوخ ناز ائدوب عبّاس
زهرا باغینون گُللری خاریله قاریشماز
بیز طایفه نون دامنینه لکه یاپیشماز
.
.
#الهادی_مدح
#ای_سامره_سی_قبلۀ_جان_حضرت_هادی
#بیدقداری
#ترکی
.
✍️ #زبدةالاشعار ✍️
?: @nohe_torki
نظر دهید