زبدةالاشعار

ای سلیل مرتضی اعتذاره گلمیشم #حسینیه_مصیبی_تبریزی

«التجاءِ سینه زنان محضر ارباب»
.
.
#سبک با صدای جمال یاوری
.
.
محمد علی مصیبی تبریزی
.
#سبک_گوزلرون_فداسیم_آغلاما_گوزل_بالا
.
ای سلیل مرتضی اعتذاره گلمیشم
گوزده اشک محنتون دلده یاره گلمیشم
.
باصفا دم ایستورم – درده مرهم ایستورم
((ای کرامتین کانی- سن بیل اکبرین جانی))
.
.
.
ای شهید راه دین وی امام ممتحن
کربلا چولونده ای لخته لخته قان ایچن
بس دی بو منه آقا سائلم قاپوندا من
.
گلمیشم گدالیقا – سائلم آقالیقا
((ای کرامتین کانی- سن بیل اکبرین جانی))
.
.
.
تا نفس گلور آقا رخت عشقی سویمارام
یوز بو بارگاهیدن آیری باره قویمارام
روزوشب گوزل آدون سسله سمده دویمارام
.
قلبیمی وقاره سال – سینه مین غبارین آل
((ای کرامتین کانی- سن بیل اکبرین جانی))
.
.
.
قبریوین فداسیَم جان فدا مزاریوه
کربلا چولونده کی عزت و وقاریوه
قتلگاهیده آخان چشمه چشمه ثاریوه
.
وئر ئورک ثباتینی – کربلا براتینی
((ای کرامتین کانی- سن بیل اکبرین جانی))
.
.
.
سائلم قاپوندا من یوخدی گر لیاقتیم
کربلانی گورماقا چوخدی دلده حسرتیم
من بهشتی نیلورم کربلادی جنّتیم
.
قسمت ائت او مقصدی- آلتی گوشه مرقدی
((ای کرامتین کانی- سن بیل اکبرین جانی))
.
.
.
بارگاهیوه آقا چاره سیز قالان گلر
درد بی دواسینه مرهم آختاران گلر
دردمند اولان گلر غصه دن یانان گلر
.
یاحسین هرایه گل – بیر دم التجایه گل
((ای کرامتین کانی- سن بیل اکبرین جانی))
.
.
.
ای منای عشقیده جلوۀ ازل آقا
برج لاینامیده ماه بی بدل آقا
جان وئرن زمان ئوزون باشیم اوسته گل آقا
.
عشقیمین زجاجی اول – قبریمین سراجی اول
((ای کرامتین کانی- سن بیل اکبرین جانی))
.
.
.
بیر «مُصَیـّب» آدلیام رأفتونله دولموشام
کمترین گدا سنون درگهونده اولموشام
آلتی گوشه قبریوین حسرتیله صولموشام
.
ریزه خوار خوانیوم – قووما سوز یازانیوم
((ای کرامتین کانی- سن بیل اکبرین جانی))
.
#حسینیه #مصیبی_تبریزی #ترکی
#ورود_محرم
#زبدةالاشعار

متن پیشنهادی:  گوردولر جنگه ابوالفضل وفا پرور گلور #عباسیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی