شهادت حضرت رقیه(س)
.
✍️ #زبدةالاشعار ✍️
.
🆔: @nohe_torki
.
بهزاد قاسمی اردبیلی
.
بار الها بو گئجه شامیده نه غوغادی
گورسه کیم فکر ایلیر آیری بیر عاشورادی
.
کنج ویرانه سرادن اوجالور نور کیمین
گجه نون عالمی مظلومیّتون فریادی
.
جبرئیل عالم معناده وئرور گویده اذان
سسلور ای اهل عزا یرده عزا برپادی
.
گلون ال سینه ده با هم گئدگون آغلاماقا
حشره جک ثبت اولا تا تعزیه نون اسنادی
.
بو گجه شامیده بیر خیرداجا شهزاده ئولوب
نوحه خوان زینب اولوب ، صاحب عزا زهرادی
.
جان وئروب گوشه ویرانه ده اکبر باجیسی
هامیدان آرتیق اودور آغلیانی لیلادی
.
آیریلوب قافله دن زنگ قطار اسرا
اوخونور آیریلیقین روضه سی ، واویلادی
.
هامی آغلور بو گجه اصغره لایلای چالانا
نمک مجلس اولوب بو باجی قارداشین آدی
.
دینمین زینبی بو غملی گئجه گتدی دیله
گوردی صبر ایلمک اولماز بو بلا عظمادی
.
آغلیا آغلیا بیردن دئدی آی نازلی بالا
گوزوی آچ خانم عمّون نجه گور تنهادی
.
یارالی عمّه وی دیندیر یارالی باشه گوره
تک قوری بیر نفسون زینبه بیر دنیادی
.
دور ئوزون چاره ائله قالمیشام آواره بالا
بیلمورم هئچ نجه سندن آیرام سجّادی
.
نگرانم بو اوچوق یرده امامیمده ئوله
ئولوم آثاری یوزونده گوزلیم پیدادی
.
کیم ئوپور اللروی سعی ائدور آهسته ئوپه
علتی وار بو ایشین ، فکر ائلمه بیجادی
.
چون هله توختامیوب قمچی دگن قوللارون
عمّون ئولسون ، سانا گلمور یاروین تعدادی
.
ئورگیم گلمور ائدم غسلوا غساله خبر
قورخورام ، چون بو ایشین آخری محنت زادی
.
گلسه غسّاله قیزیم ، قیزلار ایاقدان دوشه جک
ولی نیلیم بو عمل ، حکم حق یکتادی
.
نه بیورموشدی خانم اولدی نمایان او گجه
ئورک ایستور دئیه بو مطلبی ، غم افزادی
.
ائله کی گوردوله غسّاله نی یورقون بالالار
بیلدیلر جان وئروب اللرده ادب استادی
.
ایاق اوسته چوخی غش ائله دی یومدی گوزونی
هوشیدن گتدی خانم فاطمه نون اولادی
.
هره بیر سمته دوشوب ، قالدی جنازه آرادا
باتدی گرداب غمه قافلۀ آزادی
.
گلدی غسّاله غرض غسل ائده شهزاده قیزی
ارزشی بو عملین واقفیدی والادی
.
دلده بیر سوز دئدی اما هامینی یاندیردی
دئدی الله بو قیزین گوزلری نه زیبادی
.
او هیاهوده بیر ایش گوردی او غسّاله خانم
حشره جک فخر ائده جک ام و اب و اجدادی
.
.
غسلینی باشلامامیش عشقینی تکمیل ائله دی
یارالی باشه الی سینه ده تعظیم ائله دی
.
.
یار ئوز عشقینی گورستدی لب عطشان یاره
ادبیلن ائله دی عرض ادب دلداره
.
معرفت شهرینه یول تاپدی او غسّاله خانم
مرحبا بیر بئله بانوی اولوالابصاره
.
باخدی حسرتله امامین قانا باتمیش گوزونه
تا کی اظهار ائلیه سرّ دلین سالاره
.
آتادان ایسته دی رخصت ، بالانی غسل ائلیه
بالانین چون کی کفیلی آتادور همواره
.
او قدر گوز یاشینی توکدی یوزه غساله
گلدی معناده امیر شهدا گفتاره
.
بالامی تئز دیدی غسل ائت ، ئوزون ئولدوردی باجیم
قویما بوندان چوخ او مظلومه گله فریاده
.
بیر سفارش واریم اما ، اونا یاخچی قولاق آس
ائت طبابت بو سفارشله دل بیماره
.
چخاداندا بالامون کوینگین آهسته چخات
سعی ائله وئرمه اذیت گوئرن قوللاره
.
ناقه لر اوسته بو قیز شامه کیمی چوخ دوگولوب
گوزله غساله ، دگوبدور بو قیزا چوخ یاره
.
گوئیا یاره لی باش خاتمه وئردی سوزونه
باشلادی غسل ائده غساله گل بی خاره
.
زینبین حقی واریدی یولا آغ ساچلارینی
اولدی مغسل او قیزا بیر نچه آجر پاره
.
سو داشوردی بالانین غسلونا خیردا بالالار
آغلیوردی هامی بو صحنه محنت باره
.
سویی غساله توکن وقته رقیه یوزونه
او سو غرق ائتدی ربابی محن دشواره
.
دئدی ایکاش اولیدی بو سو عاشوراده
او زمانیکی تاپانموردی سوسوزلار چاره
.
کاش بیر جرعه چاتیدی بو سودان اصغریمه
سودان اوتری گئدوب اوخلاندی بالام اشراره
.
ال آتوب توز بوروین زلفینه بیردن او خانم
دئدی غساله دایادن ، رحم ائله بو غمخواره
.
توکمه سو ، قوی بالامین بیرده ایاقیندن اوپوم
تا کی تسکین وئره بیر بوسه من بی یاره
.
غسلی القصه تمام اولدی او بی چاره قیزین
دوتدی غساله یوزون دخت شه ابراره
.
دئدی آماده ائدون بو بالانین تئز کفنین
کعبه معرفتی تا کی بوکوم استاره
.
زینبین اللری اسدی ، اشاقا سالدی باشین
دیلده بیر سوز دئدی اوت وئردی در و دیواره
.
دئدی غساله . کفن اولماز اجیندان ئولنه
قوی سنی آگه ائدوم من بو گجه اسراره
.
گئده جک قبره بو شهزاده قرا معجریلن
گوزوین یاشینی توکمه بو قدر رخساره
.
کفن اولسیدیدا ، آند اولسون اونون ئوز جانینا
گئیمزیدی بیلورم اگنینه بو مهپاره
.
چون یاراشماز باباسی الده ئولن آغ گئینه
بو بالا یاسلیدی لازمدی کی گیسون قاره
.
یا حسین قاسمیم ، چوخ دئمیشم ، بیره دئیم
سنی ویرم قسم علقمده یاتان سرداره
.
.
رخت نوکرلیگیمی حشره کیمین سویما اقا
قبرین اولین گئجه سینده منی تک قویما اقا
.
.
#حضرت_رقیه_بهزاد_قاسمی
#حضرت_رقیه_شهادت
#بار_الها_بو_گئجه_شامیده_نه_غوغادی
#ترکی
.
✍️ #زبدةالاشعار ✍️
.
🆔: @nohe_torki
نظر دهید