شب عاشورای امام حسین(ع)
.
.
مرحوم محمد امیدی ( #عاصم_زنجانی )
.
.
بو گجه نور خدا عمرینه آخر گجه دی
شه اورنگ هدا عمرینه آخر گجه دی
.
.
شب قتل مَلِک مُلک بقا دور بو گجه
مه و شمس و زُحَل و زهره فنا دور بو گجه
راه جانانی گزن آل عبا دور بو گجه
شَهِدَ الله شُهدا عمرینه آخر گجه دی
.
.
بو گجه کرب و بلا دشتی اولوب محضر عشق
دولانور ساغر غم الده دوتوب ساغر عشق
می عشقیله اولوب مست هامی لشکر عشق
مجمع صدق و صفا عمرینه آخر گجه دی
.
.
جمع ایدوب باشینه اصحابینی اول خسرو دین
بویوروب ئولدوره جاق بیزلری بو فرقۀ کین
گیده بیگانه گرک بوردا قالا اهل یقین
چونکه جیش سُعدا عمرینه آخر گجه دی
.
.
بو گجه خلوت ایدوب بزم مناجات حسین
یوزرنی توپراقا قویموش اوخور آیات حسین
ایده تا درگه معبودینه طاعات حسین
چون مناجات و دعا عمرینه آخر گجه دی
.
.
بو گجه یتدی ابوالفضله سپهبد لقبی
علم آلدى اله قورخوندی گروه عربی
اؤزونی قیلدی رفاه شه دینین سببی
بولدی چون اهل وفا عمرینه آخر گجه دی
.
.
عشق سربازی یازیلدی بو گجه پیر و جوان
که صباح سَبز قبانی ایده لر قرمزی قان
دیدیلر بیر بیرینه اول سپه کشور جان
که عزیزان ولا عمرینه آخر گجه دی
.
.
او مقدّس قوشون ایچره واریدی بیرجه جوان
که اونون أسم شریفی ویرور عاشقلره جان
نقد جان دوتموش الینده بئله ایلردی بیان
تشنۀ جام بلا عمرینه آخر گجه دی
.
.
او جوانین آدی اکبردی ئوزی پور حسین
سر بسر عنصرینی دوتموشیدی شور حسین
جلوه ایلردی جمالیندن اونون نور حسین
او گوزل قدّی رسا عمرینه آخر گجه دی
.
.
قاسم ابن الحسن اول گوهر دریای شرف
بو گجه مدرسۀ عشقده با شوق و شعف
مشق عشق ایتدی ایده عشق اوخونا جانی هدف
شیعه اول ماه لقا عمرینه آخر گجه دی
.
.
بو گجه خیمه لر ایچره علی اصغر آناسی
هم سوسوزدی اوزی هم تشنه دی عطشان بالاسی
گورمیوبدور بوغازیندا هله پیکان یاراسی
کشتۀ تیر جفا عمرینه آخر گجه دی
.
.
بو گجه خرداجا قزلار نجه آرام یاتار
بیر به بیر ئوزلرینی دامن عباسه آتار
زینبین چادرینی اهل حرم جمله دوتار
چون رفاه اُسرا عمرینه آخر گجه دی
.
.
بو گجه زینب کُبرا غمی دنیانی دوتوب
گریه و ناله سسی عالم امکانی دوتوب
چونکه چوخ صابره دور دامن مولانی دوتوب
زینبرن عزّ و علا عمرینه آخر گجه دی
.
.
آغلاشوللا بو گجه آل رسول مدنی
که صاباح باشلاناجاقدور ستم قوم دنی
گوره جاقلار هامی باشسیز یاتوب اول شه بدنی
او شهین دار فنا عمرینه آخر گجه دی
.
.
گر چه من عاصمم اما گنهیم چوخدی منیم
قورخورام اود دوتا یکسر یانا اعضاء تنیم
وار امیدیم یتیشه دادیمه غملی سخنیم
بو گجه نور خدا عمرینه آخر گجه دی
.
.
.
#شب_عاشورا #عاصم_زنجانی #ترکی #زبدةالاشعار
بو گجه نور خدا عمرینه آخر گجه دی #شب_عاشورا_عاصم_زنجانی
نظر دهید