حالات حضرت حمزه(ع) و گریز به قتلگاه
.
.
عُلیَوی
.
.
.
حضرت حمزه عموی احمد مختاریدی
عارف کامل عیار فرقهٔ ابراریدی
حامی اسلام و قرآن، دشمن کفاریدی
چوخ گره لر آچدی تیغی امر آلُ الّلهیدن
چوخ خطر لر رفع ائدوب شخصاً رسول اللهیدن
.
.
سالک فرزانه تک طی طریقت ایلدی
بیر فقط الله بیلور دینه نه خدمت ایلدی
حضرت خاتمنن از بس که حمایت ایلدی
چون ایلچوب جام شهادت جنّته ائتدی دخول
سیّد و میر شهیدان آد قویوب شخصاً رسول
.
.
حمزیه قدرتده چاتمازدی بلی هئچ پهلوان
بعد حیدر حمزه دور سویلردیلر شیر ژیان
هیبتین گورجک اسردی مشرکان و کافران
اوز به اوز هر کس گلیدی حضرتیلن میدانا
باش دوشردی بیر یانا پیکر دوشردی بیر یانا
.
.
حیف اولا جنگ احدده ایلدی دشمن کمین
شیری صید ائتدی قفادن مکریلن روباه کین
حمزه دوشدی تپراقاسیندی صفوف مسلمین
همسر ملعونهٔ مست ابوسفیان علن
شادمان اولدی دئدی چاتدیم بوگون مقصوده من
.
.
حمزه نین نعشی غرض مقتلده دوشدی اللره
کینه دن حکم ائتدی هند اوندا غلام کافره
ذرّه رحم ائتمه دئدی قانیله الوان پیکره
دوغرادوب بدکارهٔ دوران او شاهین پیکرین
آسدی گردنبند آدیلان بوینونا اعضالرین
.
.
منده حیرانم بو چرخ کجمداره سیز کیمین
هندین اوغلون منبرین اوسته چیخاردوب مسلمین
احترامیلن دیوب امّت امیرالمؤمنین
دائماً شمع شب افروزی باشی اوسته یانوب
زادهٔ زهرا ولی چوللرده عطشان دوغرانوب
.
.
حمزه نین نعشین غرض کیم گوردی وردی باشینه
اذن وئردی های هاییلن هامی گوزیاشینه
گلدی پیغمبر باخا مقتلده غم یولداشینه
گوردی نعشین دوغریوبلار خاکیلن یکسان اولوب
آغ محاسن ظلمیلن ئوز قانیله الوان اولوب
.
.
آغلادی شخصاً پیمبر گورجك اول مه پیکری
نعشین اطرافین آلوبلار عزّتیلن ائلری
سس دوشوب ایستور گله الان صفیه خواهری
امرائدوب پیغمبر اصحابه گئدون ردّ ایلیون
قویمیون گورسین بو احوالی یولین سدّ ایلیون
.
.
حمزه نی گُورسه بو حالدا باشینه تپراق توکر
بینوادور قویمیون قلبین محن تیری سوکر
قارداشی قان ایچره گورمك باجینون قدّین بوکر
آلسون اطرافین خانملار قویمیون گل تك سولا
دفن ائدونجك حمزه نی گوگلون آلون آرام اولا
.
.
یاندی پیغمبر اوگون اول بینوانین حالینه
کاش گلیدی روز عاشر کربلا گودالینه
تا دویونجان آغلییدی زینبین احوالینه
قاتله سویلوردی صبر ایله ئوپوم قانلی اوزین
کسمه باشین بیر دایان قوی باغلیوم اوّل گوزین
آیریلاندا خیمه دن سیلدوم گوزیندن یاشینی
گوگلی چوخ ایستوردی جان اوسته گوره قارداشینی
قوی سنق گوگلون آلوم صبر ایله کسمه باشینی
بوینونا قوللاریمی آخر نفسده من سالوم
قارداشی اوغلی ئولوب صبر ایله قوی گوگلون آلوم
.
.
اوخلیوبسوز پیکرین بیر طایر پربسته دی
یاره سی چوخدور گورورسن قارداشیم جان اوسته دی
روزه سین هئچ آچمیوبدور هم سوسوز هم خسته دی
قلبینون اوخ یاره سی قویمور نفس آلسون حسین
سینه سیندن دوش یره قوی ال ایاق چالسون حسین
.
.
ایندی گویلرده خبر چاتدی بابام پیغمبره
چارتن الان گلر دوش سینه سی اوستن یره
وای او ساعتدن بو احوالی ننم زهرا گوره
اینجیدوب اوخ یاره سی ائتمه حسینی دلفکار
سینه سیندن دوش یره چوخ قلبینه وئرمه فشار
.
.
گر تبسّم ایلیور ایستور پریشان اولمیام
خیمه دن گوداله گلمکده پشیمان اولمیام
باوفادور ایستیور دلگیر و نالان اولمیام
یوخسا قلبیندن اونون الان محن قانی آخور
قزلاریندان ناگراندی هی دونور تلّه باخور
.
.
((علیوی))بو شعری چکدون نظمه گوزیاشیله سن
اجریوی محشرده وئرسین کردگار ذوالمنن
اللّهی وئرّم قسم یاران به حقّ پنج تن
اهل بیتین شیعه سین بیر آن نظردن آتماسین
آغلیان عاشقلری محشرده حق آغلاتماسین
.
.
#حضرت_حمزه #علیوی #ترکی #زبدةالاشعار
نظر دهید