فضیلت عزاداری و زیارت کربلا
.
✍️ #زبدةالاشعار ✍️
.
🆔: @nohe_torki
.
مرحوم میرزا ستار ذاکر اردبیلی
.
خوشا او کیمسه لرون رتبۀ سعادتینه
حسینه آغلیا یا که گئده زیارتینه
.
دیوم بو مژده نی حضاره ایلسونلر یاد
اولور زیارت ائدنلر گناهیدن آزاد
.
گلور جزاده ملک اونلارون شهادتینه
دییر گئدوبله بولار کربلا زیارتینه
.
شهادتین اونون حقینده چون عیان ایلر
خدادن امر اولونار داخل جنان ایلر
.
یازوبلا آغلیان حقینده هر روایتده
که آغلیان گوز او گون آغلاماز قیامتده
.
خصوص آغلیانون بابتینده وار بو خبر
حسین گلر او ئولندن صورا گوزیندن ئوپر
.
اولوب مباحثه چوخ یرده بو روایاده
یاتوب بیریسی گوروبدور حسینی رؤیاده
.
دییر سلام ائلدوم عرض قیلدیم ای مولا
فدا اولوم سنه من ای غریب کربوبلا
.
سیزون آدوزلا دییرلر حسین تشنه جگر
ئولنده آغلیانون غملی گوزلریندن ئوپر
.
بو سؤزی سن بویوروبسان و یا روایتدور
روایت اولسا سیزه بیر بویوک خیانتدور
.
بئله جواب بویوردی منه أو كان کرم
بلی اوزوم دئمیشم آغلیان گوزین ئوپرم
.
بو رحم صاحبینه گوزلر آغلاماز نیلر
یانوب مصیبتینه سینه داغلاماز نیلر
.
همان حسیندی آچوب باش توکنده گوز یاشینی
اولوردی وحی حسین قویمیون آچا باشینی
.
حسین آچاندا باشین عرشیده ملائکلر
دگرله بیربیره گوگلرده ناله ایلرلر
.
تعجبم او مبارک باشا نه ظلم اولدی
باخاندا گوردیله قان آخدی گوزلری دولدی
.
گوروب دایانمیاجاق قان او شاه دلخسته
مبارک اللرینی قویدی یاره نون اوسته
.
محاسنیندن آخار گوردی قطره قطره او قان
الى باشیندا اولوب سوی خیمه گاهه روان
.
حزین سسیله یتوب سسلدی گل آغلا باجی
قلجلانوبدی باشیم گل یارامی باغلا باجی
.
عزیز قارداشینون چون باجی ائشیتدی سسین
اورک دوگوندی غم وغصه تنگ ائدوب نفسین
.
یتیشدی اللر اورکده دایاندی بیر دوردی
باخوب حسینه ایکی اللى باشینه ویردی
.
قولینی بوینونا سالدی الینده بیر دسمال
یوزین قویوب یوزونه آغلادی اولوب بی حال
.
او یاره ایله باجی قارداشین نجه گورسون
که آزجا قالدی گورنده اؤزونی ئولدورسون
.
یازار مصیبتوی ذاکر ای غریب وطن
نجه روادی سوسوز قوملار اوسته جان وئره سن
.
.
#کربلا_ذاکر_اردبیلی
#آرزوی_کربلا
#خوشا_او_کیمسه_لرون_رتبۀ_سعادتینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید