ای برج عزتین مه تابانی فاطمه #فاطمیه_عندلیب_تبریزی

زبانحال حضرت علی (ع) در بالین حضرت زهرا (س)
.
✍️ زبدة الاشعار ✍️
.
🆔: @nohe_torki
.
#عندلیب_تبریزی
.
ای برج عزتین مه تابانی فاطمه
آغلار گوزون علی اولا قربانی فاطمه
.
مدتدی بسترینده یاتوبسان یارالیسان
گوزدن سالوبسان عالم امکانی فاطمه
.
اللهدان ایسترم دوراسان بیر ایاقه سن
باهم گزاخ مدینه طاهانی فاطمه
.
بویاره لر بلی بولورم ئولدورر سنی
قاره گونه قویار شه مردانی فاطمه
.
چوخ یاره لر دگوب منه اما یخلیمادیم
یخدی سنون غمون من نالانی فاطمه
.
هر قدر سسلورم سنی سس ویرموسن نیه
دیندیر گلن بو خانه سی ویرانه نی فاطمه
.
ایوای منه اجل توزوی قونموش جمالوه
روحون یاخوندی درک ایده جانانی فاطمه
.
ای کوکب مدینه هله یاتما صبر ایله
تار ایلمه گوزومده کی دنیانی فاطمه
.
هر سوز باشی ئولوم دیوب اود سالما جانیمه
وصل عالمینده باشلاما هجرانی فاطمه
.
یوخدور سوزوم که هر یارانان بیرگونی ئولر
درک ایلیر اجل هامی انسانی فاطمه
.
اما سنون بو سینیله چوخ تیزدی ئولماقین
تیز دور خزان اولا بو گلستانی فاطمه
.
دورت نازنین بالام آناسیز قالسا نیلرم
کیم دیندیرر او جمع پریشانی فاطمه
.
بیر اربعین نصیب ایله بو #عندلیبه سن
یاکربلا و یا که خراسانی فاطمه
.
.
#فاطمیه_شهادت
#ای_برج_عزتین_مه_تابانی_فاطمه
#ترکی
.
✍️ #زبدةالاشعار ✍️
.
🆔: @nohe_torki