#نولیدی …
..
..
منتظری شریف آباد
..
..
نولیدی نه ستم اهلی نه نسل کافر اولیدی
نه ظلم ثانیِ نادان نه آتش و در اولیدی
..
سِنیدی قُنفُذِ شومون الی وراند بتولی
نه قتل محسن مظلوم نه جَوِردیگر اولیدی
..
قباله اوسته نه سیلی دگیدی دخت رسوله
حسن نه وحشت ایدیدی نه خوار،کوثراولیدی
..
نه گوشواره سنیدی گوزه نه لخته دوشیدی
حسن حسینون آناسی نه نقش معبر اولیدی
..
نه مجتبی جگرین زهر کینه طشته توکیدی
نشانه تیره نه تابوت ایچینده پیکر اولیدی
..
نه اوچ منافق اولیدی نه ناز و غمزِ قُطامه
نه طرح ضدّ عدالت نه قتل حیدر اولیدی
..
نه کربلایه چکیدی جدال حقّیله باطل
مَصافِده نه اوتوز مین نفر ستمگر اولیدی
..
نه مشگل سو اولیدی نه العطش اوجالیدی
میان خیمه ده عطشان نه خِردا قیزلر اولیدی
..
نه دوردمین اوخ آتان اشراراولیدی نهره نگهبان
نه نخلِزاره روان یادگار صفدر اولیدی
..
نه قولّاری کسیلیدی امید آلِ حسینون
عقاب قلّۀ جنگ و جدل نه بی پر اولیدی
..
باتیدی زهرلی اوخلار گوزینه کاش اوخ آتانون
نه قاتل حرمله آدلی هدف نه اصغراولیدی
..
نه رزمگاهده مقتل حسین یولینی کسیدی
نه اوخ یاغیدی یاغوش تک نه جسمی پرپراولیدی
..
قلج دوشنده الیندن گلنده مقتله زینب
یتن او صحنه یه شمشیر اَلینده جعفر اولیدی
..
نه اوخلی سینه نون اوسته چئخیدی چکملی قاتل
گورن اومنظره نی نه وفالی خواهر اولیدی
..
دوتاندا خنجر شمری علاج سیز قالان عورت
یانوندا کاش اباالفضل بدنده اللر اولیدی
..
یاناندا خیمه و خرگه قاچاندا چوللره عترت
اولا رقیّه یه حامی علّی اکبر اولیدی
..
اسیرلر قولی باغلی گیرنده بزم شرابه
یانوندا مالک اشتر امیر خیبر اولیدی
..
خرابه یرده رقیّه ویرنده جان گئجه وقتی
نه ظاهر ، عالم رویاده وصل دلبر اولیدی
..
اسیر عشقه نه روپوش اولیدی روی طبقده
عزالی دختره هدیه نه قانلو بیر سر اولیدی
..
گلیدی زلزله کاخ و بنای کفری یخیدی
ئولیدی زادۀ سفیان و ریشه کن شراولیدی
..
نولیدی « منتظِرون » خدمتی قبوله یتیدی
رقیّه نون قاپوسونداکمینه نوکر اولیدی(1)
..
(1)های ناخوانای کمینه های تأنیث نیست واژه فارسی است
..
..
..
#فاطمیه #منتظری #فاطمیه_شهادت #ترکی #زبدةالاشعار
نظر دهید