زبدةالاشعار

سن که فرمانبر سلطان قدر قیمتسن #حسینیه_معروف_اهری

آداب حسینیت
.
✍️ زبدة الاشعار ✍️
.
🆔: @nohe_torki
.
ابوالفضل عباسی معروفان اهری (معروف)
.
سن که فرمانبر سلطان قدر قیمتسن
سن که عالم تانیور شیعه با غیرتسن
نوحه خوان ٬ سینه ووران ٬ خادم هر هیأتسن
سن که بیعت الینی اجنبیه وئرمز سن
ادبون اولماسابیر ذره ثمر گؤرمز سن
.
.
قره کوینک گوزلیم رخت شرافتدی بیزه
قدرینی بیلسن اگر مهر سعادتدی سنه
بزم ماتم دولانوب آغلاماق عادتدی سنه
تاحسین آدی گلور گؤزلره یاش باغلیوسان
بی ریا آغلا مجالسده اگر آغلیوسان
.
.
عشق و احساسوه بیر قطره ریا قاتسان اگر
اشکی بازار محبتده اوجوز ساتسان اگر
گؤزلربن آغلاسا دایم ئورگین یاتسا اگر
او گؤزون یاشینه بیر ذره بها وئرمزلر
بی ثمر آغلاماقا کرب و بلا وئرمزلر
.
.
کربلا ایستیه نون قلبی گرک روشن اولا
عطر احساس و صفادن دولانوب گلشن اولا
طینت و سیرت و اخلاقی گرک احسن اولا
کیم بو درگهده حسین سیره سینه عادت ائدر
بئله بیر شخصی آقام محضرینه دعوت ائدر
.
.
خیل یاران حسین متحد اولسونلا گرک
اوخیوب درس ادب مجتهد اولسونلا گرک
دشمنی یئخماقیچون مستعد اولسونلا گرک
اتحاد اولماسا دشمن یئتیشر مقصدینه
آپارار شیعه نی ادیان دگر معبدینه
.
.
اولون آگه که وئروب ال اله دشمنلریمیز
ائدور هر یئرده بیزه هلهله دشمنلریمیز
وای او گوندن که مجهز گله دشمنلریمیز
ال اله وئرمسه شیعه داغیلار صفلریمیز
اشقیا کامه چاتار کوته اولا دیللریمیز
.
.
#حسینیه_مدح
#ورود_محرم
#پندیات
#سن_که_فرمانبر_سلطان_قدر_قیمتسن
#معروف_اهری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای سخاوتده شاه نام آور #جوادیه_حسن_نجفلو

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی