زبانحال مادر حضرت علی اکبر (ع) در راه شام
..
..
مرحوم عابد تبریزی
..
..
سواد شبده گیزلنوب طلیعۀ سحر على
دوتوبدی یا که عارضون حجاب زلف سر علی
..
..
کنار ایله پرده نی چراغ چشم ماه دن
یتور امید صبحینه منی شب سیاهدن
هدایت ایله کاروان آزوبدی شاهراهدن
زبس که موج ظلمته دوشوب بو دشت و در علی
..
..
فراز نیزه ده باشون سپهر عشقه ماه دور
بو مه سحاب تیره سی غبار و خاک راه دور
اؤرکده کی شراریمه بو گوز یاشیم گواه دور
نه نوع گور سالوب غمون نهادیمه شرر علی
..
..
سولوبدی غنچه تک لبون اورکده کی شراردن
نظاره ایلین دوشور تواندن قراردن
آنان غمونده گور نجه اولوب ائل و دیاردن
باشون دالینجا چوللری شکسته دل گزر علی
..
..
گوزوم سرشگ تر توکن سحاب نوبهاردی
فراق اودوندا خاطریم چو لاله داغداردی
نه دؤر دور زمانه ده فلکده نه مداردی
بو قدر درده هانسی دل دوام ایدوب دؤزر على
..
..
نه سرگراندی گوزلرون شراب کبر و نازدن
تَرَحّسم اوسته گلموری بو قدر سوز و سازدن
نه نازی ترک ایدور گوزون نه دل دوشور نیازدن
او نازی بی شمار ائله بو عجزی بی ثمر على
..
..
سالاندا هر زماندا سن یوزه خمار زلفوی
گویول توانی تک آلار صبا قرار زلفوی
چکر کناره دمبدم شکسته تار زلفوی
کمال شوق و ذوقیله غبارینی سیلر علی
..
..
لبون دُر سرشگیمی عقیق ایدوب سهیل تک
ویروبدی رنگ ارغوان قتیل فرد خیل تک
بو نوعیله که گوز یاشیم آخور عذاره سیل تک
نه جنبش محیط غم نه بارش مَطَر على
..
..
سالوب بلا کمندینه منی جفای آسمان
یانور شرار غمده دل نفس نفس زمان زمان
اؤرکده چوخدی مطلبیم ولیک شرحه یوخ توان
بیان رازه ساربان امان ویرور مگر علی
..
..
توان و تابی گوزلرون آلور دل اَنامدن
اَسنده کاکلون سالور طبایعی قوامدن
نسیم ایدن زمان گذر او زلف خوش نظامدن
بو دشتی رشگ چین ایدور شمیم مشک تر علی
..
..
غروب آفتابدور یتوبدی گون نهایته
جهان تمام غرق اولا یاخیندى موج ظلمته
بو وقت اولاندا دل یانور علاوه سوز محنته
دوشور خیاله ماسلف فزون اولور گذر علی
..
..
بو قدر ناثباتیله خوشام که همرهم سنه
اودور که عجز ویرمورم نشان جفای دشمنه
سفر آغیردی چوخ ولی سنیله سهلدور منه
چوخ ایستورم که یتمه سون تمامه بو سَفَر على
..
..
اولوبدی دردی «عابدین» فزون حَدِ تواندن
ز بس گوروب ملال و غم داخی دویوبدی جاندن
تاپا علاج دردینه گلوب بو آستان دن
عنایتاً او بیکه سن ایله بیر نظر على
..
..
#راه_شام #عابد_تبریزی #ترکی #زبدةالاشعار #اکبریه #اکبریه_شهادت #اکبری_عابد_تبریزی
نظر دهید