در مدح و منقبت و التجا به حضرت صاحب الزمان(عج)
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
ساقیا فصل خزاندور نوبهار ایستر گوگول
گل ایاقینده شراب خوشگوار ایستر گوگول
.
فرقت جانان آلوب الدن قرار و صبریمی
بی قرارم بیر علاج ائت وصل یار ایستر گوگول
.
فکر و ذکریم روز و شب صحن چمن سیرینده دور
داغدارم لاله تک بیر لاله زار ایستر گوگول
.
صوت قمری ذکر طوطی ارغوان و نسترن
سایه گل نالۀ بلبل هزار ایستر گوگول
.
عطر ریحان غنچه خندان ضیمران و یاسمن
زاغ مُرده دل شکفته خاری خوار ایستر گوگول
.
لالۀ نعمان گُل مرجان قلنفور جعفری
سایۀ سرو صنوبر جویبار ایستر گوگول
.
نرگس و زنبق گل نیلوفر و الماس و یاس
الغرض گلزارده هر گل که وار ایستر گوگول
.
دامن جانانه یتمز ال علاج ایلون منه
بزم وصلی متصل لیل و نهار ایستر گوگول
.
ای ائدن عشقی منی دیوانه یا صاحب زمان
گل جمالون گورمگین بی اختیار ایستر گوگول
.
خاک پایونده قالوبدور دیدۀ خلق انتظار
ظاهر و باطنده بیر سن آشکار ایستر گوگول
.
زنگ ظلمتدن گوگول آیینه سین بیر صاف قیل
عالمی ظلمت دوتوبدور ذوالفقار ایستر گوگول
.
جرم بیزدندی که بیزدن ائتمیسن نهان اوزون
لطفیوه اولموش سنون امیدوار ایستر گوگول
.
ظالمون ظلمی جهانی دولدوروبدور سربه سر
داد مظلوم آلماقی ای تاجدار ایستر گوگول
ائت جمال اللهیلن مولا منوّر عالمی
نور پاكون شهریارا انتشار ایستر گوگول
.
منبع رحم و مروّت ملجاء خورد و کبار
چوخ پریشانوق سنون تک غمگسار ایستر گوگول
.
یوز دوتا هر کیم سیزه البته اولماز ناامید
چاره سیز دردین علاجین شهریار ایستر گوگول
.
#گریز #کربلا_آرزوی_کربلا
.
یار و یولداش کربلایه باغلیوب بار سفر
اونلارا اولسون بو وقفه همقطار ایستر گوگول
.
جیفۀ دنیا بیزی توفیقدن محروم ائدوب
جدّیوه سوگند شش گوشه مزار ایستر گوگول
.
ایستروق بیزده قویاق یوز مرقد شش گوشیه
تا اولاق جدّون حسینه اشکبار ایستر گوگول
.
طوف ائداق اول سروری اوندان علی اکبری
آغلاسون اول نوجوانه زار و زار ایستر گوگول
.
قبر اكبردن گنداخ شهزاده قاسم قبرینه
طوف ائداق قبرینده بیر پروانه وار ایستر گوگول
.
قولسوز عباس علینون روضه غمناکینی
هامیدان آرتوق ولی کردگار ایستر گوگول
.
کربلا سلطانینه دربان، حبیبه شوقیلن
ایستروق یکسر اولاق بیر جان نثار ایستر گوگول
.
پیش چشمینده مجسم دور او یانمیش خیمه گاه
قاسمون قانلی اوطاقین چوخ یانار ایستر گوگول
.
«دلریشی» حضّاریلن انت عازم کرب و بلا
غرق عصیاندور شها ائت واگذار ایستر گوگول
.
#مهدیه
#ساقیا_فصل_خزاندور_نوبهار_ایستر_گوگول
#ترکی
.
✍️ #زبدةالاشعار ✍️
.
🆔: @nohe_torki
نظر دهید