ولادت باسعادت امام حسن مجتبی (ع)
.
✍️ #زبدةالاشعار ✍️
.
🆔: @nohe_torki
.
مرحوم فیروز جوانشیر (خادم)
.
.
شکفته بیر گل اولوب گلشن رسالتده
ریاض جنّتی بو گل قویوبدی حسرتده
.
نه گل که هر گل پر جلوه دن آلوب جلوه
نه گل که یوخ اونا همتا اولان لطافتده
.
نه گل که گلشن عالمده روز اوّلدن
آچیلمیوب بئله گل بوستان خلقتده
.
فضای عالم امکانی دولدوروب عطری
عبیر و مشکی ائدوب شرمسار نکهتده
.
بوگُل امام حسندی فدا او گُل یوزونه
که باغبان بئله گُل گورمیوب لطافتده
.
بلی بونوگُله گلشندی سینۀ زهرا
قویوبدی هر گُلی حیرتده رنگ و نزهتده
.
اودی اولاندا شکوفا بونوگل زیبا
گوروندی حال شعف خاندان عصمتده
.
ائدویدی خلقی تجلّای عارضی مبهوت
ز بسکه اشبهیدی مصطفایه خلقتده
.
غروریله وروری طعنه قرص ماهه اونون
جمال جلوه سی هر جلوه ده وجاهتده
.
وئروبله جدّینه تا مژدۀ ولادتینی
سرور حالتی اولدی عیان او حضرتده
.
گلوبدی منزل زهرایه گورماقا بالاسین
گوروبدی تازه گولون منتها طراوتده
.
نه گول ، نه غنچه ، نه ریحان ، که بوگولون مثلی
آچلمیوبدی آچیلماز ریاض جنّتده
.
گوروب یوزونده تجلّای هالۀ عظمت
عیاندی حلمدن آثار او ماه طلعتده
.
عزیز جانینی جان تک باسوبدی آغوشه
تیکوبدی گوز یوزونه ، غرق بحر فكرتده
.
عیاندی گوردی جمالینده سرنوشتی اونون
اگر چه ایمدی یاتوب دامن محبّتده
.
یاتوبدی گرچه او بیدار دل ، ولی حاشا
یاتا او گوزلری بیر لحظه خواب غفلتده
.
اولار آتاسی على مثلی دهرده مظلوم
او حالتیله که لایقدی اوج قدرتده
.
اولار معاهدۀ صلحی نصرت اسلام
اونون او صلحی قویار کایناتی حیرتده
.
بو صلح دشمنی ایلر زبون و بیچاره
عدو شکست تاپار عرصۀ سیاستده
.
یازیلسا هر نه قدر عزّت و جلالندن
کمال نقصدی بو شهریاره عزّتده
.
شب تولّدیدی خادم ایسته زهرادن
خجالت ائتمه سین اوندان سنی قیامتده
.
و بیرده قبرینی ائتسون بقیعده قسمت
اوزی بولور که گوزون وار او پاک تربتده
.
.
.
#حسنیه_فیروز_جوانشیر
#حسنیه_میلادیه
#شکفته_بیر_گل_اولوب_گلشن_رسالتده
#ترکی
.
✍️ #زبدةالاشعار ✍️
.
🆔: @nohe_torki
نظر دهید