على وفاتی عجب کوفه ده قیامت ایدوب #حیدریه_ذهنی_زاده

شهادت امیر المؤمنین علی (ع)
..
..
مرحوم ذهنی زاده
..
..
على وفاتی عجب کوفه ده قیامت ایدوب
تمام شیعه لری مبتلای محنت ایدوب
..
بو صبح تیره طلوع ایتمییدی کاش هرگز
ایشقلی گوندوزی خلقون گوزینده ظلمت ایدوب
..
جفای دهر ایاقدان سالوب یداللهی
عیال حیدری حیدر یوزینه حسرت ایدوب
..
قلجلانوب باشی تاثیر زهر زخمیدن
مرض کماله یتوب ضعف حال شدت ایدوب
..
گوروب او یاره داخی ایتمز التیام قبول
یغوب بالالارینی باشینه وصیت ایدوب
..
ازل دیدی ایشیدون جان سیزوندی جان حسین
حسینه حرمت ایدنلر رسوله حرمت ایدوب
..
مباد سیندیراسوز سیز حسینمون قلبون
حسینی اینجیده هر کیم منه اذیت ایدوب
..
على الخصوص ابوالفضل ای گوزوم نوری
حسینی گورسن اگر اختیار غربت ایدوب
..
دیار کرب و بلاده قالوب وحید و غریب
اونون شهادتینه قوم دون جسارت ایدوب
..
اسیرگمه قولوی قوی سو اوسته سالسونلار
او اوزگه شان دور الله سنه کرامت ایدوب
..
..
#حیدریه #ذهنی_زاده #حیدریه_شهادت #ترکی #زبدةالاشعار