راه شام
.
✍️ #زبدةالاشعار ✍️
.
🆔: @nohe_torki
.
مدهوش تبریزی
.
قوتاردی کوفه غمی آیری غم یازیب خامه
چکوبدی قافله عشقی ساربان شامه
.
یوخیدی اذن بیری ائیله سین نوا یولدا
یانان یاناردی غم و درده بیصدا یولدا
.
کیمن صداسی اوجالسیدی نی کیمی بیر آن
ووراردی قمچی او مظلومه اشقیا یولدا
.
گیدیردی شامه طرف قافله پریشان حال
یوخیدی قافیلیه بیر غم آشنا یولدا
.
نئجه چتیندی سفر، اولسا ساربان قاتل
مگر اولاردی اورک غصه دن رها یولدا
.
گئدیردیلر یولی گوزیاشلی دیل لری داغلی
شهید اولانلارا دوتموشدولا عزا یولدا
.
یارالی باشلاریلا همدمیدی اهل حرم
گئدوردی شامه طرف خویش واقربا یولدا
.
باخاندا حسرتیله نیزده اوغول باشینا
ائدردی درد دل آهسته هر آنا یولدا
.
باخیردی اهل حرم دمبدم حسین باشینا
او باش ائدوردی اورک دردینه دوا یولدا
.
اوشاق بیوک هامی مشتاقیدی تلاوتینه
وئره اورکلره بیر رونق و صفا یولدا
.
گئدوردی سرعتیله شامه عشق قافله سی
واریدی جلوه آیات کبریا یولدا
.
مسیریده دایانیب قافله یول اوستونده
هامی تعجب ائدوب وار نه ماجرا یولدا
.
تکان یئمیر داخی سر نیزه ده کسیک باشلار
نقدر زور وئریر قوم اشقیا یولدا
.
نه وار مگر حرکتدن دوشوب زمین زمان
ائدیب حسین باشینا عالم اقتدا یولدا
.
قویوبدی اهل جفانی بو امر حیرتده
گزردی چاره بو اعجازه اشقیا یولدا
.
خلاصه بیلمدی بیر کس بو سرّ عظمانی
اولوب دی حضرت سجاد رهنما یولدا
.
بویوردی قافله دن آیریلیب قالان واردی
بابام نظاره ائدیر خردا قیزلارا یولدا
.
چاغیردی بیر بیر آدیلا حرملری زینب
گوروبدی وئرمدی سس نازلی بیر بالا یولدا
.
یانیب یانان اورگی نی کیمی فغانه گلیب
اولوب دوباره غم و درده مبتلا یولدا
.
یانا یانا دیدی الله بالام هایاندا قالیب
آدامسیزام نه ائدیم من گئدیم هارا یولدا
.
بالام تاپولماسا دنیانی یاندریب یاخارام
اولونجه ائیلییرم شیون و نوا یولدا
.
گوروبله قافله لنگ اولدی قالدیلار ناچار
مصمم اولدولا مشکل اولا روا یولدا
.
ائدیبئله تاپماقا زجر ستمگری مامور
گلن مسیری قیتدی او بی حیا یولدا
.
تاپیب گتیردی نه حالدا او نازنین بالانی
گلیب پیاده ایاقلار اولوب یارا یولدا
.
یئتیشدی قافلیه نیزیه طرف قاچدی
یا نا یانا دیدی قالمیشدیم آی بابا یولدا
.
یورولموشام منی لطفیله بیر دانیشدیر سن
دئیوم گلیب باشیما هر نه ابتلا یولدا
.
بابا گوزوندن ایراق گلمیشم پیاده یولی
گتیردیله منی قمچی ورا ورا یولدا
.
بی بی مه بیرده سفارش ائله بو خونجگری
کی سالماسین بئله گوزدن او با وفا یولدا
.
اگر چی زحمتیمی چوخ چکیب خانیم عمه م
محبتلیه ائدیب گوگلومی رضا یولدا
.
یئتیرسه شامه منی زحمتیم تمام اولاجاق
اگر چه آزقالیر عمروم اولا فنا یولدا
.
یزیدی خوار ائله سم آرزومه من چاتارام
همیشه لیک یومارام گوز خرابه ده یاتارام
.
زمانه گر چه منی ائتدی درد و محنته توش
خرابه شامیده دنیانی ائیلرم #مدهوش
.
.
.
#راه_شام_محمد_هوشمند
#قوتاردی_کوفه_غمی_آیری_غم_یازیب_خامه
#ترکی
.
✍️ #زبدةالاشعار ✍️
.
🆔: @nohe_torki
نظر دهید