شهادت حضرت علی اکبر (ع)
.
.
حاج اصغر احمدیان خسروشاهی
.
.
نازیله قوری یر اوسته بئله
یاتما دور علی اکبر گوزون آچ
بو چولده اوغولسوز قویما منی
ای مظهر پیغمبر گوزون آچ
.
.
قربانم اوغول بو قانه باتان
خال و خطوه شهلا گوزوه
زلف سیهون قانه بویانوب
قان پرده چکوب بو گل یوزوه
سس وئر سسیمه بیر کلمه دانیش
قویما منی سن حسرت سؤزوه
گوزلور یولووی اهل حرمیم
اشکیله دولوب گوزلر، گوزون آچ
.
.
گل جسمیوی اوخ شان شان ائلیوب
گل صورتیوون گل رنگی قاچوب
هر اوخ که دگوب بو گل بدنه
گویا دیه سن سنبلدى ساچوب
بو جسمیدی یا گلدور داغیلوب
گلشن کیمی هر یاره گل آچوب
ای گلشن طاهایه گل اولان
سولسون هاموسی گللر گوزون آچ
.
.
صبح اولدوزی تک ای تازه جوان
تئز چیخدون عجب تئز باتدون اوغول
قویدون منی دل داغلو على جان
مقصود دله سن چاتدون اوغول
بو قلبی سینان بیچاره آتان
گوزدن نیه چوخ تئز آتدون اوغول
دور قویما آتان بو دشمن آرا
بو دشتیده بی یاور گوزون آچ
.
.
گل تک بدنون اوراق ائلیوب
بو لشکر کین یاتما على جان
بو گوز یاشیمی خون دلیمه
قربانون اولوم قاتما على جان
لیلا یولوى گوزلور بالا سن
گوزدن آناوی آتما على جان
دور خیمه لره نعشون آپاروم
پیغمبره ای بنزر گوزون آچ
.
.
قانه بویانوب بو گل بدنون
بو جسمیده بیر صاف یر هارادی؟
گوز یاشیم آخور هجرونده سنون
باشدان باشا گل جسمون یارادی
بو قانه باتان زلف سیهون
بو چولده آنان لیلا دارادی
مشکلدی دوزه گورسه بویانوب
آلقانیله بو تللر گوزون آچ
.
.
بیلسه سنی بو حالتده آنان
رخصت وئره جاقدور گوز یاشینا
قورخوم بودی که میدانه گله
آماج اولا دل محنت داشینا
سنسیز داخی ای نوری گوزیمون
دنیانین اولا توپراق باشینا
قالدیم بو قوجا وقتیمده وحید
گوردوم نه عجب گونلر گوزون آچ
.
.
ای «احمدیان» آغلار گوزیله
دئ درد دلون هر صبح و مسا
نومید ائلمز شهزاده سنی
بیر سائلی بوش سالماز بو یولا
ایسته ئوزوه شایسته ایله
بیر وقفه برات کرب و بلا
با هم گئده سوز اوردا دیه سوز
دور گلدی آقا نوکر گوزون آچ
.
.
#اکبریه #احمدیان_خسروشاهی #اکبریه_شهادت #ترکی #زبدةالاشعار
نظر دهید