زبدةالاشعار

نه صبح دور که طلوعی علامت غمدور #عاشورا_قمری

صبح عاشورا
.
.
مرحوم قمری
.
.
نه صبح دور که طلوعی علامت غمدور
اسر نسیم مصیبت هوای ماتمدور
.
سبب ندور که دوتوب شور و ناله آفاقی
دگوبدی بیر بیره دنیا نه سرّ مبهمدور
.
قیام ایدوبدی قیامت عیان اولوب عرصات
چوخ انقلابیله اوضاع چرخ برهمدور
.
رواق عرشده سُکّان آسمان آغلار
تمام زمزمه احباب چشمی پر نمدور
.
اولوبلا پیر و جوان سینه چاک و نیلی پوش
عیون باکیۀ خلق مثل زمزمدور
.
ایدر طلوع مگر آفتاب مغربدن
نشانۀ اثر رستخیز اعظمدور
.
دگول ہو محشر کبرا عزا علامتی وار
نظرده تعزیه سرمایه سی فراهمدور
.
دیولَّه بیر شه بی اقربا مصیبتی دور
دوشوبدی کوه سراندیبه یوخسا آدمدور
.
قوپوبدی بلکه جهان ایچره نوح طوفانی
و یا که ماتم عیسی عزیز مریمدور
.
کسلله باشینی طشت طلاده یحیانین
هواده قان گورونور قامت فلک خمدور
.
عیاندی بلکه علامات یوم عاشورا
ظهور واقعۀ دهّم محرّمدور
.
ائده لَّه کلمۀ قرآندا حرف الفینی، با
کلام ناطق حق قانیله مترجمدور
.
دماء پاکیله معنا یازوبلا قرآنه
اودور که آیۀ سفک الدماء مفهمدور
.
بنی امیّه نین عالمده عید اضحاسی
منای کرب و بلاده یقین مجسّمدور
.
چکوبله ماریه ده صف نظامیله شهدا
قتال لشکر اعدا ایچون مصمّمدور
.
ریاض تعزیه ده نغمه ساز اولماق ایچون
همیشه «قمری» شیرین زبان مسلمدور
.
.
.
#عاشورا #قمری #حسینیه_قمری #حسینیه #حسینیه_شهادت #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...