اربعین
.
#زبدةالاشعار
.
: @nohe_tork
.
#سبک_سو_یوخومدی_قزلاروندان … 5 سبک
مشابه
.
مرحوم نادری میانجی
.
گلدی زینبون سفردن ای دوشن یارالی قارداش
اهل عیالیوی گتوردوم ای باشی بلالی قارداش
.
.
شامیدن یولا دوشنده کربلایه غم قطاریم
پیشوازیمه گلیدون واردی سندن انتظاریم
سندن آیریلانمارام من وار ازل بیله قراریم
منله دور گیدک حجازه اولما کربلالی قارداش
.
.
دور ایاقه گوگلمی آل یوخدی زینبونده طاقت
شام ایچینده شامین اهلی چوخ ایدوب منه شماتت
سندن آیریلان زماندان چوخ چکوب باجون ضلالت
هیچ کیمون دا قالمیوبدی من کیمی جلالی قارداش
.
.
سن شهید اولوب قوتاردون قالدی زینبون بلاده
دولدی خیمه گاهه لشگر حشر اولوبدی کربلاده
ایکی قیز بالان ئولوبدی نعشی قالدی بو اراده
دوشدی عابدون نه حاله بولدی چون بو حالی قارداش
.
.
نیزه دن باخوردی باشون شامه باش آچوق گیدنده
ایستدی ئولوم حسین جان شامه زینبون گیرنده
شامیلر کلوخ الینده حمله باشیوه ایدنده
باجینون وفاسی اولسا رنگی تیز سارالی قارداش
.
.
شمر مجلس یزیده زینبی قوناق آپاردی
مجلس شرابه باشون تشت ایچینده چوخ باخاردی
شامیده باجون ئولیدی باشمون توکی آغاردی
بیل بوکولدی قد اگیلدی اولدی چون هلالی قارداش
.
.
بو عذاب کربلادن آرتوق اولدی شام عذابی
نسگلیم چوخ اولدی قارداش یوخ مصیبتون حسابی
بیر طنابه اهل بیتون باغلانوبدی یوخ نقابی
بی حیالرین ایچینده نیلسون حیالی قارداش ؟
.
.
سن شهید اولان زماندان سالمیشام جهانه غوغا
من مُبلّغ حسینم یوخدی منده خوف و پروا
کاروان گچوب نه یردن ایتمیشم یزیدی رسوا
زینبی بو قدر بیلمه سنده لااُبالی قارداش
.
.
قانلی پرچمون گتوردوم بو دیاری من دولاندیم
سن ئولن صورا حسین جان کربلاده من تالاندیم
من سنون یولوندا قارداش خاک خونه چوخ بویاندیم
بیلمرم ندور بو چرخون آخری خیالی قارداش
.
.
صبح و شام «نادری» یاز هر بیان و هر دل اولسا
تازه دور حسین عزاسی هر زمان و هر ایل اولسا
تعزیه دوتار حسینه هر قبیله هر ئیل اولسا
قالاجاق سنه ئولونجه زینبون وفالی قارداش
.
.
#اربعین_نادری
#گلدی_زینبون_سفردن_ای_دوشن_یارالی_قارداش
#ترکی
.
#زبدةالاشعار
.
: @nohe_torki
نظر دهید