گل باجی قانه بویاندی اصغر عطشان الیمده #اصغریه_عبدی_قراملکی

زبانحال سید الشهداء بعداز تیر خوردن حضرت علی اصغر(ع) به زینب کبری
.
.
مرحوم حاج علی اکبر عبدی قراملکی
.
.
« گل باجی قانه بویاندی اصغر عطشان الیمده
ظلم الیله پرپر اولدی غنچه خندان الیمده » (1)
.
.
غنچۀ باغ ولایت اللریمده پرپر اولدی
آخدی خون دل عذاره دامن وصلیم تر اولدی
رهرو ملک محبت اکبر اولدی اصغر اولدی
مستند اثبات حقّ و باطله عنوان الیمده
.
.
یاندی قلب داغداریم بو غم هر غمدن باش اولدی
شاهد فی الحال عینی بو فلات و داغ داش اولدی
قلبیمین قانی گوزومدن آخدی اشکیم قانیاش اولدی
دامنیم ایسلاندی قالدى قانلی بو دامان الیمده
.
.
بُلمیوب سعد اوغلی بُلمز بو سیاسی اتفاقی
اوخلامازلار موقع دعواده آلت آیلیق اوشاقی
غیر قانونی بیر ایشدور سند فرار بو اختناقی
گون کیمی دنیایه اولموش مسئله اعلان الیمده
.
.
ظاهراً اوخلاندی اوغلوم حلقی اولدی پاره پاره
مفتضح ایتدی یزیدی باطناً بو شیرخواره
ساخلاسون تا حشر اولونجا یولّادیم قرب نگاره
ایلرم حقّى تلقی اوخلی بو قربان الیمده
.
.
ایلدیم اتمام حجّت فرقۀ بی نام و ننگه
سود امر بو طفله باخسون خاتمه ویرسون بو جنگه
اصغرین حلقی نشانه اولدی اوچ شعبه خدنگه
لالۀ احمر کیمیدی تحفۀ جانان الیمده
.
.
آغلادیم یاندیم وجودیم اود دوتوب چکدی شراره
یوخدی تاریخ عربده بیر نفر ایتسون اشاره
کیم گوروب جنگ و جدلده اوخلانا بیر شیرخواره
بیر ایچیم سو اوسته اولسون قانینه غلطان الیمده
.
.
اصغریم بلبل مثالی گوردی گلشن شهپر آچدی
اللریم اوسته ویروب جان طاهر روحی پر آچدی
اوخ دگوب دیسگندی گلدی گوزلرین بو اصغر آچدی
قالب بی روحی قالدى یوخ آلان الآن الیمده
.
.
ایله بیر احواله قالدیم خاطریم اود دوتدی یاندی
جور ظلم اشقیادن نالم افلاکه دایاندی
أل ایاق چالدی بالام گل اللریم قانه بویاندی
أؤنّوگی قونداقی اولدى قانیله الوان الیمده
.
.
راضیم دلدن بو امره غرقم هر چند ملاله
قانه باتسون باتدى قانه قارداشیم اوغلوم چو لاله
بیر بو ششماهه قالوردی حرمله سالدی بو حاله
قانینه ایلوبدی غلطان ناوک پیکان الیمده
.
.
کیم دوزر دوزدوم بو غمده محنت عظماده یاندیم
اوخلی قربانیم الیمده قانلی میدانی دولاندیم
گاهی پشت خیمه گهده خجلتیمدن دالدالاندیم
چاره سیز قالدیم گتوردوم خیمیه بو آن الیمده
.
.
وقعۀ کرب و بلاده ای شریک اعظمیم گل
هر مصیبتدن باش اولدی بو ملال و بو غمیم گل
واقف اسرار عشقیم ، راز داریم ، محرمیم گل
همّت مردانه ایتدی مشکلی آسان الیمده
.
.
ایلیوب بو قومی اغوا مفتی اعظم پیامی
بو بیابانه او فتوی گتدی اوچ شعبه سهامی
سود امر طفلین او تیره گور اولار زینب دوامی
پارچالاندی حلقی تسلیم ایلدی بو جان الیمده
.
.
طول تاریخه باخاندا جنگ و خونریزی اولوب چوخ
دهریده ویرسون نشان بو جنگی اما بیر نفر یوخ
کیم آتوب ششماهه طفله زهولی اوچ شعبه بیر اوخ
بو جنایتدن قالوبدور اصغر نالان الیمده
.
.
خشک اولموشدی عطشدن شیرخواره دل دوداقی
حرمله ایتدی رعایت تا گوروب عطشان قوناقی
زهرلی تیریله سیراب ایتدی آلت آیلق اوشاقی
سو یرینه قان ایچیرتدی پست و بی ایمان الیمده
.
.
شاد اولا روحون «حسینی » ای ادیب استاد اعظم
هر فنون شعره دارا شاعر وقّاد و اعلم
«عبدی» لکنت زبانه مطلع شعرون ویروب دم
حشریده بسدور گر اولسا یازدیقیم دیوان الیمده
.
.
(1)مطلع اشعار از مرحوم حسینی سعدی زمان می باشد که بقیه به قلم مرحوم حاج علی اکبر عبدی (قرا ملکی) تعقیب شده است.
.
.
#اصغریه #عبدی_قراملکی #اصغریه_سعدی_زمان #سعدی_زمان #ترکی #زبدةالاشعار #اصغریه_شهادت