هر یارانمیشلار ئولر لا ینفَعُ مالٌ بَنُون #کاتب_اردبیلی

پندیات
#گریز به قتلگاه
.
زبدة الاشعار
.
: @nohe_torki
.
مرحوم میرزا محمد صادق کاتب اردبیلی
.
هر یارانمیشلار ئولر لا ینفَعُ مالٌ بَنُون
اِنَّنا لِلّهِ بَل اِنّا اِلَیهِ راجِعُون
.
.
گر قالان اولسیدی دنیاده پیمبرلر هانی
آدم و نوح و شُعیب و خضر تک رهبر هانی
موسی عیسا و هم یحیای غم پرور هانی
اِنَّنا لِلّهِ بَل اِنّا اِلَیهِ راجِعُون
.
.
درک ائدر بو نکته نی هر کسده وار قلب سلیم
ئولمسیدی ئولمزیدی پادشاهان قدیم
وعدۀ موتی وئروب قرآندا خلّاق رحیم
اِنَّنا لِلّهِ بَل اِنّا اِلَیهِ راجِعُون
.
.
قالماقا دنیاده یوخ بیرکسده هرگز اختیار
خانۀ قبره گئدوب شاهان صاحب اقتدار
دور قیلموب کیمسه نون کامینده بو لیل نهار
اِنَّنا لِلّهِ بَل اِنّا اِلَیهِ راجِعُون
.
.
شربت موتی گرک ایچسون تمامی مرد و زن
ملک و مالیندن اونونچون قالماسون الّا کفن
عبر ت آل قرآندا کلّ مَن عَلَیها فانِدن
اِنَّنا لِلّهِ بَل اِنّا اِلَیهِ راجِعُون
.
.
کُلُّ نفسٍ ذائقة الموته گئت دقتله باخ
سمت قبرستانه ایله بیر گذر عبرتله باخ
تورپاق آلتیندا قالوب شاه گدا حسرتله باخ
اِنَّنا لِلّهِ بَل اِنّا اِلَیهِ راجِعُون
.
.
بو فنا دنیاده هر کس کیم گلوب آخر گئدوب
مال اولادی اونونچون فایده اصلا نئدوب
کلُّ شیٍ هالکی قرآندا الله یاد ائدوب
اِنَّنا لِلّهِ بَل اِنّا اِلَیهِ راجِعُون
.
.
امر واضحدور گئدر دنیاده آخر هر گلن
کربلا شاهی کیمی اولماز جهاندا بیر ئولن
اولمادی اوچ گون یارالی نعشینی بیر دفن ائدن
اِنَّنا لِلّهِ بَل اِنّا اِلَیهِ راجِعُون
.
.
مُحتضِر یانیندا اولماسون گرکدور قیل و قال
قویماسونلار سینه سی اوستونده قالسون دستمال
گل حسینون ائتمه حال احتضاریندن سوال
اِنَّنا لِلّهِ بَل اِنّا اِلَیهِ راجِعُون
.
.
شیعه لازمدور اولا امواتیچون غسل و کفن
خسرو گلگون قمیصون غسلی اولدی قانیلن
گون حریریندن کفن اولدی حنوطی خاکیلن
اِنَّنا لِلّهِ بَل اِنّا اِلَیهِ راجِعُون
.
.
«کاتبا» یاز نوحه لر آغلا حسینه ماه و سال
کثرت عصیانون ایلوبدور سنی افسرده حال
عفو ائدر اول سروره جرمون خدای لایزال
اِنَّنا لِلّهِ بَل اِنّا اِلَیهِ راجِعُون
.
.
#پندیات_قتلگاه
#هر_یارانمیشلار_ئولر_لا_ینفع_مال_بنون
#کاتب_اردبیلی
#ترکی
.
#زبدةالاشعار
.
: @nohe_torki