داریخموشام …
.
.
.
مرحوم حاج اسدالله امانی اردبیلی
.
قلم بو درد و غم روزگاریدن نه یازوم
عذاره اشک الیین چشم زاریدن نه یازوم
.
قراندولوق گئجه دن پیس گئچور ایشیق گونوموز
شعور و شور و شریر و شراریدن نه یازوم
.
سنان قانادلا اوچا هانسی قوش اسیر اولاجاق
قفسده بند و کمند و شکاریدن نه یازوم
.
قاراندولوق گئجه میز عاقبت سحر اولاجاق
گوزتلورم سحری ، شام تاریدن نه یازوم
.
ئورگ دولی ، گوزوم آغلار ، دیلیمده مین شِکوَه
زمانه دن فلک کج مداریدن نه یازوم
.
داریخموشام او قدر مردم ائتدی نامردی
جفا و جور و غم بیشماریدن نه یازوم
.
امانیم ئوزوم ئوز دردیمه فقط یاندیم
ئوزوم کیمین ئورگی داغداریدن نه یازوم
.
#پندیات
#قلم_بو_درد_و_غم_روزگاریدن_نه_یازوم
#امانی_اردبیلی
#ترکی
.
.
نظر دهید