السلام، ای هر ایکی دنیایه زینت فاطمه #فاطمیه_علمدار_ماهر

میلادیه حضرت زهرا سلام الله علیها
..
..
..
..
مرحوم علمدار ماهر باکوئی
..
..
..
..
السلام، ای هر ایکی دنیایه زینت فاطمه
السلام، ای گوهر دریای عصمت فاطمه
.
السلام، ای مصطفی نین جسمی نین بیر پاره سی
السلام، ای حیدر کرّاره نسبت فاطمه
.
حق یولوندا صادق اولدون، صبر ائدیب هر محنته
ای آلان مین شووقیله جام شهادت فاطمه
.
وئرمه میشدی کیمسه اسرار وجودوندان خبر
ای وجود پاکی باشدان باشه حکمت فاطمه
.
سن لیاقت، سن نزاکت، سن صداقت رمزی سن
ای نهال بوستان عزّ و غیرت فاطمه
.
کیم سنین تک اولدو اون بیر اولیانین مادری
هانسی مادردیر قویان نسل امامت فاطمه
.
#عید مولودون سعادت بخش ائدر، بیر لطف قیل
تا تاپاق بیزده بو بایرامدا سعادت فاطمه
.
ای گلیب #مولود زهرایه، عبادت دن قاچان
سویله ائتمیشدیر هاچان دینه خیانت فاطمه؟
.
اجنبی نین قویدوغو یولدان اوزاقلاش، ای باجیم
سیز قادینلارچون، قویوبدور راه عفت قاطمه
.
دختر کبری حجابین الده محکم ساخلاییب
اوز حجابین سیزلره وئرمیش امانت فاطمه
.
زینب و کلثوم تک مردانه اول اسلامده
بلکه ائتسین آخرت گونده شفاعت فاطمه
.
بی عمل لردن کنیز اولماز خانیملار شاهینه
یاددا ساخلا ائیله میش حقه عبادت فاطمه
.
#ماهرم، چوخدور گناهیم، گر شفاعت ائتمه سن
بیلمیرم حالیم نولور روز قیامت، فاطمه
.
.
.
#فاطمیه_میلادیه
#السلام_ای_هر_ایکی_دنیایه_زینت_فاطمه
#علمدار_ماهر_باکوئی #فاطمیه
#ترکی
#زبدةالاشعار