ای جدّینه حُسنونده نشان یاعلی اکبر #اکبریه_سیدبشیرحسینی

میلادیه حضرت علی اکبر علیه السلام
#گریز به #اکبریه_شهادت
.
.
.
سید بشیر حسینی میانجی
.
ای جدّینه حُسنونده نشان یاعلی اکبر جان یاعلی اکبر
گلدون بو جهان اولدی جنان یاعلی اکبر جان یاعلی اکبر
.
.
غیرتلی جوانلاره اولان اُسوه‌ی غیرت، الگوی فضیلت
میلادون اولوب “روز جوان” یاعلی اکبر جان یاعلی اکبر
.
.
گلزار نجابتده گوزل گولدی جمالون، وار عالی جلالون
عاشقدی سنه پیر و جوان یاعلی اکبر جان یاعلی اکبر
.
.
عالمده سنه دؤرد آنالار دوغمویاجاق تای، حیراندی سنه آی
لیلایه اولان روح و روان یاعلی اکبر جان یاعلی اکبر
.
.
گر جسمیده گئتسه آرادان، جان قالاجاقدی، جانان قالاجاقدی
ای کالبد یوسفه جان یاعلی اکبر جان یاعلی اکبر
.
.
عطرونله معطّردی بیزیم محفل شادی، چون بزم ولادی
یوخدور بئله بیر عطرفشان یاعلی اکبر جان یاعلی اکبر
.
.
آچدی گئنه باغ ابدیّتده قیزیل گول، گلدی دیله بولبول
وصلی ائلیور شرح و بیان یاعلی اکبر جان یاعلی اکبر
.
.
ای فقه‌ده، ای علم‌ده، ای حلم‌ده دریا، یوخدور سنه همتا
شهزاده‌ی شاه دو جهان یاعلی اکبر جان یاعلی اکبر
.
.
جنّت سنه مشتاقیدی سن کرب‌وبلایه، اوخشور یوزون آیه
آیدا سنه عاشقدی اینان یاعلی اکبر جان یاعلی اکبر
.
.
یئتمیش ایکی عاشق قوتاروب عشق نمازین، هم راز و نیازین
اوندا کی اوزون وئردون اذان یاعلی اکبر جان یاعلی اکبر
.
.
#گریز
.
مایلدی گریزه قلم و دفتر و شاعر، بلکه اولا زائر
ششگوشه مزاره بو زمان یاعلی اکبر جان یاعلی اکبر
.
.
گول جسمیوی صدپاره ائدوب خارلر ایوای، لایلای سنه لایلای
هئچ وئرمدی دشمن‌لر امان یاعلی اکبر جان یاعلی اکبر
.
.
باشون یاریلوب اوندا کی شقّ القمر اولدی، بیلمم نلر اولدی
اولموشدون ایاقدان باشا قان یاعلی اکبر جان یاعلی اکبر
.
.
لذّتلی آغیزلاردا اگر شعری بشیرین، شیرینیدی شیرین
لطفوندن اولوب طبعی روان یاعلی اکبر جان یاعلی اکبر
.
.
#اکبریه_میلادیه
#ای_جدینه_حسنونده_نشان_یا_علی_اکبر
#سیدبشیرحسینی
#ترکی
.
.