سنیله زینب زارین فراقی قرخ گوندی #اربعین_واصف_مرندی

اربعین
.
#زبدةالاشعار
.
: @nohe_torki
.
احد ظهرابزاده (واصف مرندی)
.
سنیله زینب زارین فراقی قرخ گوندی
دگوبدی بیربیره عشقین تفاقی قرخ گوندی
.
.
سنین مرامیوه وابسته اولدوم اولدن
نقدری سن واریدین وئرمدیم قرار الدن
گچنده ظهر بلا باشدا قاره مقتلدن
پوزوب نوای مصیبت عراقی قرخ گوندی
.
.
یارالی یوسفیدین چولده پیرهن سیزیدین
گون اورتا چاقی مناده سوسوز کفن سیزیدین
گجه نی خولی ائوینده کول اوسته من سیزیدین
دوتوب جمالیوی کول قان محاقی قرخ گوندی
.
.
ائلیکی حمله ائدیب غارت اهلی اخیامه
او دم گوزوندن ایراق سیلی دگدی ایتامه
باشین دالینجا دوشوب چاتدیم عاقبت شامه
واریمدی کرببلا اشتیاقی قرخ گوندی
.
.
بو یولدا کوفه و شامین آراسی بیر طرفه
گیرنده شامه ولی دیل یاراسی بیر طرفه
هاموسی بیر طرفه غم سراسی بیر طرفه
منیم حسابیمه هر اتفاقی قرخ گوندی
.
.
طبقده باشین ائلیکی خرابیه گلدی
همان او بیر گجه نین محنتی مفصلدی
رقیه یورقونودی آلنین ئوپدی دینجلدی
یارالیام اورگیوین سایاقی قرخ گوندی
.
.
غریبه دشمن الینده ئولوم دونر جبره
اورگیمین بو غمی غالب اولدی هرصبره
رقیه ده سنه تای گتدی بی کفن قبره
باشیم دوشوب بو غمیندن اشاقی قرخ گوندی
.
.
فراقیوه محن بی شماری وار باجیوین
مصیبتینده دل داغداری وار باجیوین
ولی بو باره ده چوخ انتظاری وار باجین
سسیمه سس وره سن غم فراقی قرخ گوندی
.
.
اورکلر ایستیری قارداش مزاریدن دوراسان
گینه بوچولده حرم خیمه گاهینی ووراسان
ربابی خیمه دالیندا گینه دانشدیراسان
بو دشتیدن کسیلیبدور ایاقی قرخ گوندی
.
.
شهید آناسیدی باشدا قراسی واردی ربابین
او قاره گونریلن ماجراسی واردی ربابین
ساغالمییب اورگینده یاراسی واردی ربابین
باتیبدی اصغرینین آغلاماقی قرخ گوندی
.
.
.
#اربعین_واصف_مرندی
#سنیله_زینب_زارین_فراقی_قرخ_گوندی
#ترکی
.
#زبدةالاشعار
.
: @nohe_torki