الهی کیمدی بو قیز بو نوعیله مه رو دور #هنده #غمناک_تبریزی

آمدن هنده به خرابۀ شام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
الهی کیمدی بو قیز بو نوعیله مهرو دور
که آهوان خطا کیمی عنبرین مو دور
.
کبوتر حَرَمِ قُدسی دور دوشوب دامه
اولوبدی صید کمند ستمله تیهو دور
.
یقین بو بی کسیله راست گلمیوبدی فلک
هلال تک اریوب بیر خمیده ابرو دور
.
بدن تمام اریوب شدّت مصیبتدن
سموک لری سارالوب چون پر سَمَنقو دور
.
بونا یتوبدی یقین تازه مِحنَت ایّام
اولوبدی معجری کهنه نقابی گیسو دور
.
قرارینی آپارورب بیر جوان فراقی یقین
گوزی دالنجه قالوب بیر یارالی آهو دور
.
باخاراویان بویانا حسرتیله آه چکر
ایدوب علی آدینی ورد و ذکری یا هو دور
.
توکر بولود کیمی دیندیرممیش گوزوندن یاش
که قان اولان جگری قورخودان دونوب سو دور
.
یوزون قویار گهی دیواره گاه توپراقه
که باخمری قوری یردور ویا که پر قو دور
.
یانوخلی دللریله محو ایدوبدی خلقی تمام
گورون نه نوعیله شیرین زبان ودلجو دور
.
بونا اسیردیوب ایتمیون منی خاتون
قبول ایتسه من اولام کنیز او بانو دور
.
گوروم خرابه تک اولسون یزید ایون برباد
بو خارجی دگور دین اهلی پاک خشخو دور
.
دوتار یقین سنی (غمناکیمون) فغانی یزید
غرور اولما یرون تخت و تاج مینو دور
.
.
.
#هنده #غمناک_تبریزی
#خرابه_شام
#الهی_کیمدی_بو_قیز_بو_نوعیله_مه_رو_دور
#ترکی
.
✍️ #زبدةالاشعار ✍️
.
🆔: @nohe_torki