یواش یواش دیه سن باشه انتظار گلیر #مهدیه_مهدی_عابدینی

یا مهدی
.
.
مهدی عابدینی
.
.
یواش یواش دیه سن باشه انتظار گلیر
خراب باده ی عشقم منه خمار گلیر
.
دادانمیشام بو مِیین مزه سیننن ئوزمم ال
اگرچه میکدیه جام بیشمار گلیر
.
ایچیب ایچیب گینه مست اولموشام بو صهبادن
ولیک غصه یه بو قلب بیقرار گلیر
.
قوتارسا باده م اگر میکده یولون دوتارام
بو حالتیمله بیله فکر قیلما عار گلیر
.
اسیر باده ی عشقم ئولونجه ال چکمم
اگرچه دل یاراسی سخت و بیشمار گلیر
.
نولار کی سس دوشه میخانیه قاچین تئز اولون
بیر عمر سسله دیگوز آی مثالی یار گلیر
.
آچیبدی سوسن و نسرین و یاسمن باغدا
اولوبدی مست و غزلخوان دیله هزار گلیر
.
گوراخ کی یار،نه یار آخرین ستاره ی عشق
قدم قویوبدی بیزیم شهره ،شهریار گلیر
.
اناسی فاطمه نون آدی آلنینا یازیلیب
دیلینده ذکر علینی ایدوب شعار گلیر
.
ساقیندااکبر شهزاده شیر غران تک
صولوندا وقریله عباس نامدار گلیر
.
بهشتیدن باخا زهرا آناسی وجده گله
دیه عمواغلی، علی، باخ نه استوار گلیر
.
قدم آتاندا خیال ایلورم کی سن یریسن
بالامین اللرینه گورنه ذوالفقار گلیر
.
#مهدیه #مهدی_عابدینی #ترکی #زبدةالاشعار