زبانحال حضرت امام حسین (ع) در بالین حضرت علی اکبر(ع)
.
✍️زبدة الاشعار✍️
.
?: @nohe_torki
.
مرحوم غمکش
.
منه سس وئر اکبر اوغلوم
گلِ گلشن امامت
بوکولوبدی قدّیم اوغلوم
ایلیور قوشون شماتت
.
اگیلوب قویاندا قانلی یوزووه اوغول دوداقیم
سؤزولور قانون یاروندان بویانور الیم ایاقیم
یخیلاندا سن آت اوستن داغیلوب منیم تفاقیم
ایلیوبدی تیره باران گئنه قوم دل شقاوت
.
سنی اوخشارام علی جان توکرم عذاره اشکیم
اثر ایلیوبدی چوخلی دل داغداره اشکیم
سینمین آلور توانین سالوری فشاره اشکیم
گوزون آچ اوغول دوباره منه گور گولور جماعت
.
خِیَمه سسون گلنده ایلدیم اَوَل اراده
سسووه وئرم ازل سس سسه گلدی کربلاده
آپارام سنی خیامه ائدورم تلاش عباده
ووروب اوخ عداوتیله سنه فرقۀ عداوت
.
ئورگیمده درد فرقت باخورام بو ماجرایه
منی بو گروه کینه گئنه تک آلوب ارایه
نه کمک نه یاوریم وار گله بیر نفر هرایه
یئری وار الی بئلینده گله ئوز ننه م بو ساعت
.
گوره حالووی نوایه گله باشون اوسته زهرا
آچا باش خدیجه، مریم توکه اشک عذاره سارا
نئجه صبر ائدر بو غمده ایشیده او غملی لیلا
داغیلوبدی شاخ و برگی نئجولوبدی سرو قامت
.
یغارام بو قطعه قطعه بدنون اوغول عبایه
آپارام خیامه گل تک سنی تحفه اقربایه
گله ئوز باجون رقیّه ندی چاره آه و وایه
گورورم گلور یاروندان ایله عطر و بوی جنّت
.
سنه «غمکش» آغلیاندا ائدور اهل غم تماشا
ائده جک سنه عزالی اولان عاشقان تمنّا
وئره جکدی اجر و پاداش سنه خاطر حتمی زهرا
سنه اکبریم جوانلار ایده جکدی چوخ ارادت
.
#سبک_سو_یوخومدی_قیزلاروندان ( 5 سبک در یک فایل)
.
#اکبریه_شهادت #اکبریه
#غمکش
#منه_سس_وئر_اکبر_اوغلوم_گل_گلشن_امامت
#یادگار_غمکش
#ترکی
.
✍️ #زبدةالاشعار ✍️
?: @nohe_torki
نظر دهید